Euskal Herriko Unibertsitate Herrikoia

Elkarte hunek "Lendemains de fête" filmaren proiekzioa proposatzen dauku agorrilaren 17an, arratseko 8.30etan Bil Etxea gelan. Gaia da: 2009 urteaz geroz Bartzelonan bizitokietarik egiten diren kanporatze anitzak. Proiekzioaren ondotik, debatea izanen da Yann Maury filmaren egilearekin. Aipagai ere 2015 urtean hiri hortan lekuan eman Herriko Etxeko kontseiluaren egiteak. Lehentxago, 7.00etatik goiti, Kataluniako janari eta edariak gozatzen ahalko dira. Xehetasunentzat deitu: 06 80 36 41 87.

Baxe Nafarroako musika festibala

Hemeretzigarren festibala kari, “Orgue en Baigorri” elkarteak aurten bost hitzordu proposatzen dauzkigu Elizan. Agorrilaren 8an, arratseko 9:00etan Benjamin Righetti suitzar orgina joilearen kontzertua, hau Lausanne hirian orgina erakasle dena. Agorrilaren 8an, arratsaldeko 7:00etan, musika zeltikoa Curvan Guillaumin soinulariarekin; ainitz soinu tresna ibiltzen ditu: klarineta, gaita, pianoa, gitarra… Arratseko 9:00etan, musika erakasle egonik, hemen ongi ezagutzen dugun Jesus Aured dugu entzunen bere akordeoiarekin musika klasikoan, herrikoian, jazz eta bere inprobisazioetan. Agorrilaren 12an, arratseko 9:00etan, Haltsun sortua den Lutxi Nesprias piano joilearen aldi izanen da. Konkurtsotan anitz sari irabazirik anitz festibaletan ere parte hartzen du. Sartzeak 10€tan dira.