Herriz Herri - Duzunaritze-Sarasketa (NB) | 2019ko Otsailaren 07a

Santibate

otsailaren 8an, ostiral gauean, zortzietatik gora, Buzunaritze Etxarteko supazter goxoan, Santibate ospatuko dugu: kantatzeko, dantzatzeko, irri egiteko, tripotak jateko, edateko, eleketan artzeko, elgar ezagutzeko… hots, neguan besta egiteko parada izanen da. Interesatua den oro ongi etorria da. Ipar Iratiko zaharrenak oroitzen dira nola duela hamarnaka urte batzu gure ibarrean Santibate ospatzen zuten. Santibatekariak, zirtzilki beztituak eta maskaturik, urtarrilean eta otsailean etxe guzietatik gauaz pasatzen ziren puskak biltzeko (tripotak, lukinkak, xingarra… gerrenari lotuz, eta arraultzeak, gasna, arnoa… saskian eramanez). Bildutakoekin ihaute asteartez apairu handia egiten zuten. Zirtzilak kantuz sartzen ziren etxeetara, koplak egiten zituzten, musika jotzen zuten, dantzatzen zuten, antzerkia egiten zuten… Zerbait jateko eta edateko eskaintzen zitzaien eta Santibatek Andere kantatzen zuten. Ohitura zaharra ipar Iratin: liburu zaharrenetan atzemaiten diren kantu horren airea eta hitzak, Behorlegin bilduak izan ziren XIX-garren mendean!

Email Buffer Facebook Google Twitter Pinterest LinkedIn Digg StumbleUpon Tumblr

3485. zbk

Jendea aberasten da ongia eginez

Mahomet

Gure Hitza | 2019/02/07

Santibate

Janbattitt Dirassar

Santibate hitz hori ez dute arrotza ukaiten ahal gure ihauterietako berri guti aski bederen badakiten guziek. Garazi alde hortan bereziki. Ihauteriak ekartzen du Santibate lehenik eta Libertimendua ondotik. Lehena neguaren despeitzeko bezala, nahiz negua berantxago ere izaiten ahal den oraino. Santibate dena zirtzilkeria beraz, zirtzilak errege izanki alabainan... Bigarrena, Libertimendua, udaberriaren agurtzeko bezala edo bederen erakusteko berantetsia dugula... Besta airos eta koloretsua... Egia erran, zirtzilkeria gutiagorekin bada ere, Santibate ospatzen ahal da nun nahi, izen hortako kantua entzunaraziz. Etxez etxe eske ibiliz berdin. Eskelariak Santibatek igortzen zituen xingarketa. Kantuak dion bezala, "ez zabiltzan ederrez ez eta ere beharrez, gostuma xaharraren ustez errreproxu beldurrez". Lehen ere, eske zabiltzanak mozorrotuak izaiten ziren, untsalaz nehork ez ezagutzeko gisan... Etxeko anderearentzat bazituzten konplimendu pollitak, bere bihotz ona erakusten bazuen, eras...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016