Herriz Herri - Hazparne (L) | 2019ko Martxoaren 14a

Hazparne

Hazparne-Azpeitia

Badu 30 urte pasa, bi herriek abiatu zituztela harreman bereziak, Hego eta Ipar aldeko euskaldunen artean loturak eraikitzeko helburuarekin. Harreman horiek gora behera anitz jasan dituzte, bainan bizitasun berri bat lortu dute azken denbora hauetan. Molde jarraikian eramaiten diren trukaketetarik bat, elgarrekin ibiltzea da. Azpeitiako Lagun Onak elkartea eta inguru hauetako jende parrasta bat biltzen da, erregularki. Martxoaren 16an (larunbatean) dute ondoko hitzordua Iruretatik Otxandiora, 21,5km egiten dituen ibilaldiarendako. "Arno eta arrainaren bidea" deitu duten ibilaldi orokorraren hirugarren etapa da hau. Orori idekia da. Hazparnetik elgarrekin joaiteko hitzordua Harana plazan emana da (06:30). Bakotxak bere janari eta edaria ekarri behar ditu eta aldatzekoak ere. Ibilaldia (16:30-17:00) bukatuko da eta Hazparnerat heldu orduko, 18:30-19:00ak izanen dira. Etorri nahi duenak izena eman dezala martxoaren 14ko, apailaketaren laguntzeko: txoria.gunea@gmail. com gunera idatziz. Aldi huntako justu iduritzen bazauzue, har gogoan ondoko etaparen eguna: Otxandio-Urbina, apirilaren 13an.

Arano: larru istorio

Dakigun bezala, Hazparnek lotura berezi eta handia ukan du larruarekin, larru eta zapatagintzari esker ezagutu baititu egun joriak. Badu bulta bat aldiz, joritasun hori galdua duela eta hara, begi kliskako baten gisa, azken egunetan, larru saltegi bat plantatu dela Hazparnen. Alabainan, Stéphanie Lieb andereak berak larruz sortu puskak saltzen ditu, Urtsuia karrikaren puntan. Eskuko zaku, gerriko, moltsa, eskumuturreko eta beste egiten ditu eta saltzera proposatzen. Ideia berezi bat ukan geroz, mana daiteke ere. "Arano" deitu du bere ateliera. Zuzenki ikustera joaitera menturatzen ez denak, beha dezala www.creation- atelier-cuir.com gunean, hor agertzen baitira andere horren sorkuntza batzu.

Ezkia Ikastolak ateak zabalik

Aurten 50 urte ospatzen dituen Seaskaren barne da Hazparneko Ezkia ikastola. Lehena ez, bainan lehenetarik da ikastola hau. Arras xumeki abiaturik, handitu eta sendotu da, bulta huntan bere tokia osoki atxikitzen duela herrian. Duela zonbait urte ikasle izanak dira orai eramaileak!! Urte guziz bezala, ate idekiak apailatzen ditu aurten ere martxoaren 16an (09:00-12:00). Hor aurkituko dira ikasle, erakasle eta burasoak, eginen den edozein galderi erantzuteko prest.

Armand David lizeoa

BAC pro, BTS, bigarren orokorra eta teknologikoa eta beste... eskaintzen ditu lizeo horrek paisaiak, agrotresneria eta ekologia dituela ardatz. Barnategia dauka eta Baiona aldetik etortzeko, autobusa erabil daiteke. Hortaz gehiago jakin nahi duenak gomit da martxoaren 16an (09:00-13:00), lekuaren ezagutzera, erakasle eta ikasleekin mintzatzera, ateak idekiak izanen direlako.

Email Buffer Facebook Google Twitter Pinterest LinkedIn Digg StumbleUpon Tumblr

3490. zbk

Zer balio luke ilargiaz jabetzeak Lurra galdu behar baginu

François Mauriac

Gure Hitza | 2019/03/14

Gure buruekin ez beti xuxen!

Menane Oxandabaratz

Joano eta gehiago entzuten da eskuin eta ezker kasu egin behar dugula gure eguneroko kontsumitzeko eta bizitzeko maneretan. Bereziki janariaren inguruan ehunka emankizun, film, liburu, konferentzia… aholkuak emaiten dituztenak bai eta informazioak, zer ona den eta zer nola egina den. Sare sozialetako “lagunek”, hola deitzen direlakoz, partekatzen dituzte batzuen edo besteen iritziak, tarteka petizio batzuk ere banatuak direla eginahala pertsonek izenpetzeko, agintari politikoer edo industrial arduraduneri deiadarra zabalduz. Egia da, gure lurra xehatzen ari dugula, ikusiz artetan ekaitza batzuk zer desmasiak egiten dituzten, eragin bat izanez hormagune batzuk urtzen ari direla, biharamun ilun batzuen menturan. Gauza baikorretan, kontzientzia hartze hori joano eta gehiago zabaltzen ari da, ez dugu zer nahi, nun nahi botatzen. Lehen pentze zola batean ikusiko ginituen auto zahar batzuk edo etxe bazter batean erretzeak kasu egin gabe ondorioa izaiten ahal zuenez. Orain erakunde p...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016