Herriz Herri - Itsasu (L) | 2019ko Martxoaren 14a

Itsasu

Itsasu

Sortze

Bi sortze izan dira gure herrian joan den hilabetean: - Otsailaren 22an sortu da Andde LASCANO, Beñat Lascano eta Emilie Menvielleren semea. Familia bizi da Olhanian - Otsailaren 26an sortu da Txomin LACROIX, Marti Lacroix eta Tiffanie Renault–ren semea. Familia bizi da Xoko Berriko bidean. Zorionak gurasoeri eta ongi etorri gure bi herritar berrieri!

Ate idekiak eskoletan

- Arrokagarai ikastolako ate idekitzeak martxoaren 16an, larunbatez (10:00-12:00). - Eskola publiko elebidunaren ate idekitzeak martxoaren 23an, larunbatez (10:00-12:00). KALAKAÑO Kalakaño, euskarazko lehen haurtzaroaren hilabetea bidean da: karia hortara ikuskarri bat eskainia izanen da haurrekin kantatu eta dantzatzeko, Nafarroako "Ene Kantak" talde famatuak proposaturik, martxoaren 23an larunbat huntan (11:00), Sanoki gelan. Sartzea urririk.

"Brik à brak" Integrazio Batzordea

1999ko udan sortua, "Integrazio Batzordea" Lapurdi, Baxe Nafarroa eta Xuberuko ikastoletan eskolatuak diren ahalmen urriko haurren buraso eta adiskideen elkartea da. Hogoi urte du beraz elkarte hau sortu zela. Eta jakin behar da 2018an 111 haur eta hauen familiak lagunduak izan direla eskolatze bidean. Jakin behar da ere diru beharrak gaitzak direla, Hezkuntza Nazionalak ez dituelako osoki bere gain hartzen integrazio prozesuari lotuak diren lanpostu guziak. Aurten 120.000 euro behar ditu elkarteak bildu beharrak estaltzeko. Finantzaketa huntan parte hartzeko "brik à brak" merkatu bat eginen da martxoaren 31n, igandez, Itsasuko Sanoki gelan (09:00- 16:00). Izanen da tokian berean zer jan eta zer edan!

Email Buffer Facebook Google Twitter Pinterest LinkedIn Digg StumbleUpon Tumblr

3490. zbk

Zer balio luke ilargiaz jabetzeak Lurra galdu behar baginu

François Mauriac

Gure Hitza | 2019/03/14

Gure buruekin ez beti xuxen!

Menane Oxandabaratz

Joano eta gehiago entzuten da eskuin eta ezker kasu egin behar dugula gure eguneroko kontsumitzeko eta bizitzeko maneretan. Bereziki janariaren inguruan ehunka emankizun, film, liburu, konferentzia… aholkuak emaiten dituztenak bai eta informazioak, zer ona den eta zer nola egina den. Sare sozialetako “lagunek”, hola deitzen direlakoz, partekatzen dituzte batzuen edo besteen iritziak, tarteka petizio batzuk ere banatuak direla eginahala pertsonek izenpetzeko, agintari politikoer edo industrial arduraduneri deiadarra zabalduz. Egia da, gure lurra xehatzen ari dugula, ikusiz artetan ekaitza batzuk zer desmasiak egiten dituzten, eragin bat izanez hormagune batzuk urtzen ari direla, biharamun ilun batzuen menturan. Gauza baikorretan, kontzientzia hartze hori joano eta gehiago zabaltzen ari da, ez dugu zer nahi, nun nahi botatzen. Lehen pentze zola batean ikusiko ginituen auto zahar batzuk edo etxe bazter batean erretzeak kasu egin gabe ondorioa izaiten ahal zuenez. Orain erakunde p...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016