Herriz Herri - Senpere (L) | 2019ko Martxoaren 14a

Senpere

"Lipsyc" dantza konpainia
Lipsyc%20dantza%20konpainia

Dantza Larrekon asteazkenean

Miarritzeko Dantza Formakuntza Zentroak du xedetzat, gazteak ibilbide profesionalerako prestatzea. Selekzio xorrotx baten bitartez hautatuak dira, nun kontutan hartuak diren irizpide fisiko, tekniko eta artistikoak. Orientazio pedagogikoa dantza klasikoan oinarritzen da hastapenean, nahiz eta beste dantza mota batzuri idekiak diren. Beraz martxoaren 20an (20:30), dantza klasiko, neoklasiko eta gaur egungoa ikusteko aukera eskainia zauku Larreko kulturgunean. Oren bateko ikusgarri huntan, 15 eta 18 urte arteko ikasleen lana deskubritzen ahalko da, denen sustengua merezi dute. Antolatzaile da Lipsyc baleta eskola, erreserbak egiten ahal dira www.ebglinfo webgunean baita lekuan bertan, prezioak 8€ helduak, 5€ haurrak, urririk 6 urtez petik.

Kontzertua Elizan igandean

Martxoaren 17an (16:00), entzuten ahalko dira Tximi Txama haurren kantari multxoa eta Goraki koru ezaguna.

Otsaileko sortze eta heriotze

Ez dakit otsaila bertze hilabeteak baino laburtxago delakoan, dena den heriotze bat bakarrik seinalatua izan da, hau dugu Portu Jean 88 urterekin. Dolumin bizienak, hunen famili eta adiskideeri. Aldiz hiru senpertar berri etorri dira mundura: Oihan Capendeguy 831 karrikarte bidean, Elaia Capendeguy 66 karrikarte bidean eta Layana Lalande-Lacoste Arbonako bidean. Ohar bat azpimarragarria, bi anaia Capendeguyk ukan dituzte beren lehen haurrak 10 egun barne. Zorion goxoenak hauen familieri eta bizipen uros bat ereman dezatela.

Ate idekitzeak Ikastolan larunbatean

Zaldubi Ikastolak antolatzen du bere ate idekitzea larunbat huntan (09:00-12:00). Seaskaren 50 urteko esperientzia duen eskola hunek 100 bat haur eskolatzen ditu gaur egun, 2 urtetik 10 urterainokoak. Pedagogia aktiboa erabiltzen da eta proiektuen bidez haurrak zentzua ematen dio egiten duenari. Bertzalde euskaraz ikasten eta komunikatzen du eta hauxe da murgiltze sistemaren ezaugarri nagusia. Hainbertze mendetan erabili den gure ama hizkuntza familia eta herritarren bitartez, gaur egun kenka txarrean dago. Hori erranik Ikastolak euskararen oinarriak eskaintzen ditu haurrari. Beraz larunbat goizean, egoitzak bisitatzeko, irakasleekin mintzatzeko, burasoekin solastatzeko, proiektuen aipatzeko, parada ezin hobea izanen da. Xehetasun gehiago www.seaska. eus edo telefonoz Senpereko Ikastola 05-59-54-18-88. Gomita ez da mugatua burasoeri baizik.

65 urtez goitikoen bazkaria igandean

Martxoaren 17an eguerditan, Amotzeko Mendionde ostatuan finkatua da herritar adindunen apairua. Bruno Ollivon-ek segurtatzen du animazio musikala. Bazkaria urririk dago 65 urtez goitikoendako, haatik beharrezkoa da izen emaitea deituz: 06- 26-78-33-19.

Ekoizleen merkatua igandean

Saint-Christophe lizeoko ikasleek antolatzen dute merkatu hori, 1609ko plazan, martxoaren 17an, (10:00-14:00). Lekuko ekoizpen sanoen erosteko parada eskainia da, ez huts egin.

Palantxa torneoa Gantxikin

Urtero bezala Senpereko Pilota Elkarteak antolatzen duen torneoa apiriletik uztaila artean, iraganen da 4 sailetan. Lau multzo banatuak dira: 1. maila, 2A maila, 2B maila eta 3. maila, partidak iraganen dira asteburuetan. Bertzalde nola kopuru orokorra mugatua den 40 ekipetan, izen emaiteak beharrezkoak dira martxoaren 25a aitzin, deituz 06- 02-12-52-55 edo 06-22-53-26- 09. Parte hartzea finkatua da 25 eurotan jokolari bakotx, babesbetaurrekoak baitezpadakoak dira.

Email Buffer Facebook Google Twitter Pinterest LinkedIn Digg StumbleUpon Tumblr

3490. zbk

Zer balio luke ilargiaz jabetzeak Lurra galdu behar baginu

François Mauriac

Gure Hitza | 2019/03/14

Gure buruekin ez beti xuxen!

Menane Oxandabaratz

Joano eta gehiago entzuten da eskuin eta ezker kasu egin behar dugula gure eguneroko kontsumitzeko eta bizitzeko maneretan. Bereziki janariaren inguruan ehunka emankizun, film, liburu, konferentzia… aholkuak emaiten dituztenak bai eta informazioak, zer ona den eta zer nola egina den. Sare sozialetako “lagunek”, hola deitzen direlakoz, partekatzen dituzte batzuen edo besteen iritziak, tarteka petizio batzuk ere banatuak direla eginahala pertsonek izenpetzeko, agintari politikoer edo industrial arduraduneri deiadarra zabalduz. Egia da, gure lurra xehatzen ari dugula, ikusiz artetan ekaitza batzuk zer desmasiak egiten dituzten, eragin bat izanez hormagune batzuk urtzen ari direla, biharamun ilun batzuen menturan. Gauza baikorretan, kontzientzia hartze hori joano eta gehiago zabaltzen ari da, ez dugu zer nahi, nun nahi botatzen. Lehen pentze zola batean ikusiko ginituen auto zahar batzuk edo etxe bazter batean erretzeak kasu egin gabe ondorioa izaiten ahal zuenez. Orain erakunde p...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016