Ibili dabilen herriak ez omen du gelditzerik. Poetek eta rock kantariek ez digute besterik kontatzen, hondar lau hamarkada hauetan. Gainera, aurtengo Herri Urratsen garai berdinean, Hertzainak taldearen lehen disko zuriaren 35. urteburua ohoratzen da! Baina igande honetako euskararen eta Seaskaren aldeko besta erraldoian ez da baskoen kontrako kritikarik hegaldatuko, alderantziz, meza saindukoak bailiran pasatuko baitira Senpereko orduak!

Oinak, buruak baino arinago mugitzen zaizkigu oraindik ere. Badakit: aurkituko zaitut lakuaren inguruan. Ikusiko dira milaka jende, taloak klikatzen, haurrak ausatzen, musikak entzuten eta beharrean garagardoak hurrupatzen (maite duenak, prefosta!). Ohikoa da jadanik. Gure egunerokoak zurkaiztu ditu Herri Urratsek, dena egin baitugu bertan, elkar maitatzetik elkar gorrotatzeraino. Umeek lehen urratsak Senperen eman dituzte, zutik, arrats apaletan, plastikozko ontzien itsasoa zeharkatu nahian eta adinekoak matoa eskuan aitzinatu dira, urrat...

Oporrak aitzin, seigarreneko ikasleek izan dute pubertaro saio bat. Neskak alde batetik eta muttikoak bestetik, lasaiki beraien kezkak eta galderak pausatu ahal izaiteko. Hasieran, hitza askatzeko bideo batzuk eta diaporama bat proiektatu dira. Anitz galdera eta ohar aipatu dituzte giro goxo batean. Ordua biziki fite joan da eta denak zerbait gehiago ikasita atera dira.

Jadanik aipatua ginuen astekari huntan, Departamenduko Kontseiluak mendi guneetan 4G sarea ezarriko zuela eta beste toki batzuetan azkartuko. La Fibre 64 sindikatu mistoa sortu dute departamenduko Herri Elkargoak barne direla eta Departamenduko Kontseiluaren artean. Gune batzuetan ez bada ongi pasatzen edo batere, Departamenduaren helburua da 5 urtez 228 000 gune sortzea edo hobetzea. Lehen mendi guneko 4Gren plantan jartzea estreinatua izan da joan den astean Bankan, operatore desberdinak direla partaide (SFR, Orange, Bouygues Télécom et Free). Hautetsi andana bat etorriak ziren horren ospatzeko, auzapezak pozik zirela saretze horren azkartzea dela eta.

Sarako Idazleen Biltzarrean, besteak beste, bi liburu interesantak eta mamitsuak aurkeztuak izan dira, Pamiela argitaletxearen laguntzarekin, Jose Angel Irigarai idazle eta poetak kudeatu du eztabaida.

Etxera Bidean, Xamar idazleak idatzia, Garraldako Xamarrenean sortua izanez Aezkoa ibarrean kokatzen da historia, 1980 hamarkadan. Bere Aezkoako bizia du kondatzen Xamar idazleak. Eskualde hortan euskara desagertua zen eta Xamar bezalakoek gogoeta batzuk hasi zituzten: Nun gaude? Nor gira? Zer da gure kultura? Aitatxi-amatxiak euskaradunak zirela eta frankismoaren garaiaren ondorioz, errepresio handia zela eta belaunaldi osoa erdaldun bilakatu zen. Euskal kulturatik abiatuz hizkuntzaren ber-jabetze urratsak hasi zituzten. Xamar-en erranetan Aezkoa Garazitik hurbil izanez eta harreman sendoak ukaiteko inportanta kausitu zuen euskararen erabiltzea. Oroitarazten du ere 80 hamarkadan aste kulturalak ere antolatzen zirela, historiaren ezagutzeko griña emanez bai eta jakin-mina so...

Iparraldean ere ospatua izan da nazioarteko langileen eguna, ohidura den bezala goizean langileak gomitatuak ziren manifestatzera, Lan Burtsatik abiatu dena. Aitzineko urteetan sindikatuen artean ez zuten lortzen elgarrekin dei egitea, bereziki LAB sindikatua baztertua baitzen bestenganik. Aurten lehen aldikoz denek batean deia zabaldu dute. CGT, LAB, Solidaire eta SNU sindikatuez gain Bizi mugmendua, EBA, Etorkinen plataforma eta M1 Altxa gazte mugimenduak lehen banderolan ziren. CFDT sindikatuak, azken urte hauetan bezala maitzaren 1ean ez du deitu, barneko gogoeta bat egiten zutela goiz hortan. Pentsatzekoa zen bezala, horiz jantziak ere hor ziren. Lehen banderolan, elkarte guzien artean adosturik irakurtzen ahal zen “Elgarrekin esplotazioaren kontra, aitzinamendu soziala eta ekologikoaren alde”. Hitzaldian gogoan izan dituzte emazte eta gizonen arteko soldaten desoreka, ingurumenari buruzko egoera larria, zerbitzu publikoen atxikitzea bai eta ere migranteek jasaiten dutena. ...