Berri laburrak - Auzoak bestan: Herriko besten ondotik, herriko auzoetan ohidura dute besta edo bazkari baten inguruan elkarretaratzea. Hori jada berriki egina zuten Erketa eta Hergaitze auzokoek. Joan den ibiakoitzean Apairi auzogunearen aldi zen, eta karia horretara 80 bat gazte eta adineko bildu ziren, giro goxoan, Ilundeiko aterpean. Hemendik lster Zokoa auzoa da bilduko eta urrian Aiherrako Gainak auzoa. - Kabalkada: hurbildua zauku. Txartelak salgai dira toki askotan, hala nola Donibane Garazin (Paris janari saltegian), Donapaleun (Bertso Amikuze saltegian), Uztaritzen (Hemengo saltegia), Baionan (Elkar denda), Hazparnen (Xuriatea ostatua) eta Aiherrako Herriko Etxean. Hobe aitzinetik tokia segurtatzea. - Aihertarrentzat alokatzeko etxebizitzak: Elixaldeberrian 6 apartamendu eraikitzen ari dira, eta Herriko Etxeak jakinarazten du hauetan bizitzeaz interasuak direnek, Herriko Etxera igorri behar dutela hauen alokatzeko xedea, 2019ko urri hondarra aitzin. Xehetasun guziak aiherra.eus webgunean daude.