Herriz Herri - Arberatze-Zilhekoa (NB) | 2019ko Irailaren 12a

Uda huntako berri zonbait Arberatzetik!

Uda%20huntako%20berri%20zonbait%20Arberatzetik!

Arberatzen jokatzen dela petanka lehiaketa bat "Antoine sans frontière" elkartearen alde. Ekainean hasi zen 39 ekipekin eta uztailaren 27an jokatu dira finalak. Emaztetan Aiziritzeko Amiassorho Josiane eta Biscayleux Katik irabazi dute Behaskaneko Belleau Geneviève eta Aycaguer Michèleren kontra. Gizonetan Gameko Pierre Miramont eta Aiziritzeko Gaëtan Cabanne nagusitu dira Behaskaneko Beñat eta Benoit Iphar aita semeeri. Ondotik Herriko Etxeak eskaini zintzur bustitze batekin bukatu da aurtengo lehiaketa. Arrakasta ederra ukan du aurten ere eta pentsatzekoa da heldu den urtean ere hor izanen direla! Bestalde, Amikuzeko zango baloi taldeak zein gehiagoka bat antolatu du Arberatzen. Partidak herriko josta lekuan iragan dira eta talde bakoitza lau jokolariz osatua zen. Agorrilaren 1ean hasi zen eta finala agorrilaren 10ean jokatu. Hogei talde hurbildu dira eta giro ezin hobean iragan da lehiaketa. Herriko Etxeak bere “herriko bizia” aldizkaria plazaratu du uda huntan eta etxe guzietarat bidali. Kontseiluko eztabaidak, herriko lanak, aurrekontua, elkarteen aktibitateak besteak beste xeheki aurkeztuak dira 24 orrialdetan. Herriko bizia hurbiletik segitu nahi duenak, badu aldizkari hortan behar dena. Artikuluak frantsesez eta euskaraz eginak dira. “Chemins-Bideak” bere erroen bila? Aste huntako "Journal de Saint Palais" aldizkarian, Chemins - Bideak elkarteak galdera bat pausatzen du: "C'était comment avant?". Galdegiten du Frantsiskanoen komentua hurbiletik edo urrunetik ezagutu duteneri beren lekukotasunak emaitea. Iduriz elkarte horrek lotura egin nahi du bere egoitzaren iraganarekin. Oroitarazi behar da Frantsiskanoen denboran, etxe hori lekuko eta Euskal Herriko elkarte anitzen xokoa zela. Azken fraileak joan aitzin Zabalik elkartea sortu zen 1993an etxe horri segida baten emaiteko ordu arte zuen harrera izpiritua atxikiz. 2004an, Donapaleuko herriak komentu horren erosteko xedea agertu zuelarik, Zabalik elkartea baztertua izan zen eta herriak “Chemins - Bideak” proiektua garatu zuen etxe horrek iraganik ukan ez balu bezala. Zonbait urte berantago ohartzen hasi direa holako proiektu bat ezin dela luzaz biziarazi iragana eta lekuko aktoreak bazterrean utziz? Ala bozka aitzineko jestu batzuk dira? Besterik Donapaleun kokatua den Baxe Nafarroako ikustokia zabalik egonen da irailean eta urrian ostiral arratsalde guziz (14:00-17:00). Bestalde ondarearen eguna kari, irailaren 21ean eta 22an idekia izanen da (15:00-18:00).
Email Buffer Facebook Google Twitter Pinterest LinkedIn Digg StumbleUpon Tumblr

3514. zbk

Har beti kantuz artzeko astia

Charles Trenet

Gure Hitza | 2019/09/12

Emaztea beti petzero?

Menane Oxandabaratz

Joan den egunean etxera buruz ari nintzala irratia entzunez, berri harrigarri bat entzun nuen Ain departamenduan Bourg-en-Bresseko Hiri Elkargoak sobera emazte zuzendaritzako postuetan hartua zituela eta, 90.000Eko isuna pagatu behar! 74 herriz osatua den Hiri Elkargo hortan, 5 pertsona daude zuzendaritzan eta horietarik 4 emazte. 2013an sortu zen lege berri bat Sauvadet deitua, justuki funtzio publikoan emazteek holako karguetan leku gehiago ukan zezaten, 60/40 gizon-emazte edo emazte-gizon. Horrek erran nahi du goi mailako postuetan %60a baino gehiagoko kargurik ez dela emazteeri emaiten ahal. Beste berri batek ere bazterrak inarrosi dituenak, Larresoroko bestetan 26 urteko neska bat bortxatua izan dela entzutean. Joan den astean hasi dira emazteeri eginak diren bortizkerieri buruzko gogoetak edo Grenelle delakaok, azaroaren 25 arte iraunen dutenak. Zenbaki harrigarri batzuk agertzen dira, urte hastapenaz geroztik 100 emazte erailak izan dira beren bizi lagunare...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016