Elkarteen arratsaldea arras ongi iragan da. Aktibitate eskasik ez da! Bakotxak badu hauta baina sobera hautatuz kasu itotzeari! Azkaindarrak bat pilota eskola Entrenamenduak hasten dira: esku-huska, joko-garbin eta palantxan asteazkenetan Kiroletan 6 eta 8 urteko haurrentzat (14:00-15:00) eta astelehenetan palantxa (18:00-19:30) Kiroletan. Trinketean esku-huska, 9 urtetik haste mailaren arabera (14:00). Palantxan, astelehen eta ortzegunetan 10 urtetik goiti. Ikasleak dantza eskola Izen emaiteak ortziralean, 13an (17:00-20:00) Jauregia gelan. Euskal dantza kurtsoak 6 urtetik goiti duten haurreri idekiak dira eta mutxiko kurtsoak helduentzat ere muntatuak arratsetan. Deitzen ahal da Aurelia Berasain 06 14 04 86 53 edo Sylvie Francisco 06 73 30 28 78. Euskara klaseak helduentzat Izen emaiteko aski da Jauregia elkartetxera joaitea irailaren 16an astelehenez edo 19an ortzegunez (15:00-19:00). Xehetasunak nahi dituenak jo: azkaine@ aek.eus Mintzaldia euskal musikaz Heldu den irailaren 19an, ortzegunarekin (19:00), Bil Toki salan, Christian Laprérieren mintzaldi bat entzuteko gomita luzatua da. Baionako Kontserbatorioko erakasle ohi hau musikologian berezitua da. Bere mintzaldiak bi parte izanen ditu. Bata: Euskal musika hastapenetik gaur egun arte, eta kantu modu berria Mixel Labeguerietik Kalakan arte. Karia hortarat "L'histoire de la musique basque" bere liburua aurkeztuko du.