Herriz Herri - Sara (L) | 2019ko Irailaren 12a

Sara

Sara

Bestak: Larunbateko eguna izigarri ongi pasatu da. Arratseko kontzertuan eta dantzaldian 1.100 bat sarrera izatu dira. Igandeko eguna, sekulan ez bezala izigarriko jendealdea izan da, arratsaldearekin partikulazki. Erran behar da auto mozorrotu eta joko ederrak egiten dituztela. Arratsean ere oraino bazen jende asko Altzükütarrak kantarien entzutzeko eta Ingo Al Den taldearekin dantzan aritzeko. Kirola: Bestakari igande goizean herriko kontseiluak ohoratu ditu gure kirolariak. Pasaka: finalistak Perry Nicolas eta Etchegaray Patrick. Esku huska: Calvet Daniel eta Lecuona Aritz. Aroçarene Olivier buruz-buruka Frantziako txapelketan finalista. Artekoak: finalista luzean Errandonea Xan. Txapeldun joko garbin Arribillaga Eneko. Palantxan: Oronoz Ania txapeldun. Gazteak: Esku huska Iratzoqui Iñaki txapeldun. Luzean: txapeldun Sansinena Xanti, Larretxea Xabi, Mariluz Julen, Pouyet Mathieu, Iribarren Oihan eta Mounho Eneko bai ere joko garbin. Ezker paretan xistera: Pouyet Mathieu eta Mounho Eneko finalistak. Gaztetxoak: esku huska finalistak errebotean Barneix Vella Leni eta Mariluz Xan. Kimuak: txapeldun trinketean Zozaya Eñaut eta Etxeberri Pacheko Manex. Palantxan: Frantziako Txapelketan txapeldun Mounho Maika eta Etxeberri Azkarraga Elena. Umetxoak: esku huska trinketean finalistak Aguirre Arkaitz eta Pradere Onaitz. Battitt Laborde auzapezak deneri tixerta bat eskaini du. Olhain Ikastola: Astelehenean Olhain ikastolak antolaturik iragan da besten kari zikiro jatea, 300 bat jendek parte hartu dute bazkari hortan. Bidegain-ek egina eta ikastolako haurren burasoek zerbitzatua. Abisu: - Buruilaren 7tik 28a arte erakusketa Axuti Arteak antolaturik bere gelan. - Buruilaren 18an asteazkenez elizan kantaldia (21:00) Mendi Xola taldearekin. Bestetan iragan pilota partiden emaitzak: Artekoak: Borteyru Mati, Galharague Peio, Mousques Battit, Iribarren Oihan eta Urquia Ludovic galtzaile 13-07 De Paredes Eneko, Galharague Thomas, Borteyru Oihan, Amagate Bixente eta Ithurbide Jon-en kontra. Gaztetxoak: Izoko Bixente, Coumet Kilian, Arrizabaleta Joritz, Bideondo Mathieu eta Izoco Iban galtzaile 13-10 Mounho Eneko, Regerat Toan, Castera Andoni, Larretxea Gorka eta Sansinena Xantiren kontra. Igandean, luzeko partida: Carricaburu Frederic, Peletra Beñat, Arribillaga Eneko, Eyheramunho Raphael eta Onchalo Frederic irabazdun 8-5 Sistiague Joel, Etxeberry Sebastien, Carricaburu Jerome, Hiriarte Peio eta Errandonea Xan-en kontra.
Email Buffer Facebook Google Twitter Pinterest LinkedIn Digg StumbleUpon Tumblr

3514. zbk

Har beti kantuz artzeko astia

Charles Trenet

Gure Hitza | 2019/09/12

Emaztea beti petzero?

Menane Oxandabaratz

Joan den egunean etxera buruz ari nintzala irratia entzunez, berri harrigarri bat entzun nuen Ain departamenduan Bourg-en-Bresseko Hiri Elkargoak sobera emazte zuzendaritzako postuetan hartua zituela eta, 90.000Eko isuna pagatu behar! 74 herriz osatua den Hiri Elkargo hortan, 5 pertsona daude zuzendaritzan eta horietarik 4 emazte. 2013an sortu zen lege berri bat Sauvadet deitua, justuki funtzio publikoan emazteek holako karguetan leku gehiago ukan zezaten, 60/40 gizon-emazte edo emazte-gizon. Horrek erran nahi du goi mailako postuetan %60a baino gehiagoko kargurik ez dela emazteeri emaiten ahal. Beste berri batek ere bazterrak inarrosi dituenak, Larresoroko bestetan 26 urteko neska bat bortxatua izan dela entzutean. Joan den astean hasi dira emazteeri eginak diren bortizkerieri buruzko gogoetak edo Grenelle delakaok, azaroaren 25 arte iraunen dutenak. Zenbaki harrigarri batzuk agertzen dira, urte hastapenaz geroztik 100 emazte erailak izan dira beren bizi lagunare...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016