Errepublikanoak deitzen diren
eskuindar horiek badute alderdiburu
berri bat joan den igandean
hautetsia izan dena. Hori
da Christian Jacob ministro
ohia bestalde legebiltzarrean
alderdi bereko deputatu taldearen
buru dena. Hiru hautagai
baziren eta alderdiburu berriak
gehiengo pollita segurtatu du
lehen bozaldian berean (%62).
Alderdia ahuldua da haatik.
Berriz azkartuko ote da Christian
Jacob kudeatzaile?
Duela zonbait denbora jakin zen
Emmanuel Macron lehendakariak
nahi zuela Europa Batuko
agintarietan sar-arazi bere ministro
ohi bat, Sylvie Goulard.
Hau da hautagai agertu beraz
eta bere burua edertuz mintzatu,
azpimarratzen zuela aspaldian
untsa badakiela Europa Batuko
berri, gai zela segur aipatu karguaren
hartzeko. Bainan hara,
bozkatze bat izan da Europa
maileko deputatuen artean eta
Sylvie Goulard baztertua izan da.
82 boz kontra, 29 alde eta batto
xuri. Itxuren arabera baztertu
dute baizik-eta arras okerrak eta
nahasiak iduri duten bi diru-negoziotan
barne ditakeela. Gisa
hortan bozkatuz afruntu gaitza
egin diote nahitez hautagaiari.
Eta hunek afruntuño hori iretsi
behar! Macron bera ere arras
gaitzitua gaixo gizona eta ez du
gorde hala dela, erranez frantses
hautagaia baztertu dutenak alderdikari
hutsak direla.
Denbora batez aski famatua izana,
79 urtetan pausatu da Marie-
José Nat artista guziz jeinutsua,
motaz korsikarra. Berrogoi bat
urtez karraskan arizana lan eta
lan, dela antzerkilari gisa, dela,
aise gehiago funtsean, zinemaren
mundu berezi hortan, zernahi
filmetan partaide. Parisen eman
du bere azken hatsa bainan bulta
huntan Korsikarat erretiratua
zen, bere erro azkarrenak zituen
eskualderat. Politika sailean ere
guti aski bermatua, duela zonbait
urte, Nicolas Sarkozy presidentaren
aldeko suhar gisa.
Jendeak gero eta gehiago faltatzen
dira beren lanetik, ez
direla untsa, edo arras eri berdin.
Gehiago dena, bana beste
batean lana uzten da gero eta
denbora luzeagoarentzat. Horra
zer dion garbiki berrikitan Parisen
plazaratua izan den txosten
batek, lan hori egina gisa hortako
ikerketak artoski akulatzen
badakien espert multxo batek.
Ez idurika, lan uzte horien nonbrea
urte bat barne emendatu
da %8ez eta lan uzte horien
iraupenaren emendatzea aise
handiagoa ere agertzen da.
Bainan zerk egiten du hori?
Jendea dea alfertzen ari? Ala
aiseago gelditzen den gutieneko
arrangura sendi orduko?
Ez bide da hain erretx holako
galdeeri xuxen ihardestea. Kasu
desberdin anitz eta anitz izanez.
Dena den, osasun asurantza
kutxa nagusiaren gastuak hola
dira ere azkarki goititzen. Baditake
ere bestalde gaitz hori
kotsukorra izaiten den. Norbaitek
lana uzten duelarik haren
lagunak ere gero eta aiseago
atrebitzen gauza beraren egiterat,
funtsezko arrazoin handirik
gabe oro...
Gertakari latz baten ondotik untsa
neke da xuxen xuxena jakitea
gauzak nola iragan diren.
Hala nola Pariseko polizategi
nagusian izan den izigarrikeria
hortarik landa. Gaitzeko ikerketak
akulatzen dituzte bainan
lanak dira zinez, eta ez entraalekoak,
ezin garbiki finkatuz nola
gizon bat atrebitu den bere
laneko lagunak zituen lau lagunen
hiltzerat eta bosgarren baten
handizki kolpatzerat! Nork
zakien islamista bilakatua zela
eta hein hortaraino mugimendu
hortan sartua? Norbaitek bazakiena
ere? Nolaz nehor ez da
ohartu zerbait bazela ez batere
untsa joan! Edo norbait ohartua
ote zen eta nehori ez deusik
errana! Ustez holako itsuskeriarik
etzela gertatuko eta ez gertatzen
ahal ere. Gisa berean,
gaitzeko sutea izan baita Rouen
hirian eta alimaleko makurrak,
hor ere nehork ezin erran sua
nola piztu zen, ez eta nun piztu
den ere, dena erre kixkildu den
lantegian ala haren ondoko
beste batean. Agian gauzak
argituko dira hein bat denboraren
buruan bederen jendea...
Ahal gutirekin bizi izan da, xumeki, espantu
handirik gabe. Eraman duen bizi
lapartsuan gostaia gosta aitzina jo du,
tematsuki. Eta gaur beti hor da. Bizi lapartsua,
diot. Ez da arras hala. Bizi zoriontsua
ere eraman du, hainbeste eta hainbesteren
atsegina betez. Eta euskararen
zerbitzuko, beti. Aste huntan 75 urte betetzen
ditu. Baina nor dugu aitona hori?
Herria astekari hau, bistan da!
1944ko urriaren 19an eman zituen lehen
urratsak. Aitzineko agorrilean behin betikoz
debekatua izan zen Eskualduna astekaria,
gerla denboran kolaborazionista
izateagatik. Ipar Euskal Herriko euskal
irakurlegoa umezurtz gelditu zen. Hutsune
hori nahi izan zuten bete euskaltzale
batzuk, Piarres Lafitte buru. Baina
etsaigoan eman zituen lehen urratsak
Herria astekariak. Alabaina, inprimatua
izan bezain laster, Postan berean blokatua
izan zen, orduko Prefetak zabaltzea
debekaturik. Zenbait asteren buruan
Piarres tematsuak ardietsi zuen halere
aitzina jotzea eta bigarren zenbakia ate...