Herriz Herri - Ainhoa (L) | 2019ko Azaroaren 28a

Ainhoa

Eguberriko merkatuaren 2. edizioa eginen da larunbat honetan, azaroaren 30ean, Elkartetxean. Iaz antolatu zen lehen aldikoz eguberri kari, Arbaso eskulan elkartearen iniziatibari esker eta Ainhoa animations elkarteak lagundurik. Ikusiz arrakasta, aurten ere berriz eginen dute azoka, (09:00-19:00). Goizetik ilundu arte, ekoizle eta artisau merkatuan itzuli bat egiten ahalko duzue Elkartetxeko salan, auto zaharren erakusketa ikusten ahalko da herriko eskolako intan, haurrak zaldiko maldikoetan ibiltzen ahalko dira eta Iban Ainhoako harri zizelkaria ariko da bere lanaren erakusten. Bertzalde, ez huts egin hitzordu hauek: - (11:00): Bigoudi pailazoa; - (14:30): Eguberriko apaingarrien egiteko tailerra haurrentzat; - (18:00): aperitifa eta pintxoak.
Email Buffer Facebook Google Twitter Pinterest LinkedIn Digg StumbleUpon Tumblr

3525. zbk

Gure Hitza | 2019/11/28

Neguila

Janbattitt Dirassar

Hor berean dugu abendoa, gero eta gehiago abendu deitzen duguna. Ene partetik aspaldian badut haatik halako arranguraño bat, urteko azken hilabeteak ukan baitu lekuka beste izen bat, neguila, batzuk laburtzen dutena, negila erranez, eta arras egokia berenaz, ene gustuko segurik, adiarazteko negua laster hasiko dela. Ez litakea domaia neguila izen hori arrunt eta alde bat galtzerat uztea? Gauza bera beste hilabete izen zonbaitentzat. Hala nola ilbeltza -hilabete beltza – hor delarik urtarrilarentzat eta loraila maiatzarentzat. Gainerat, abenduaren kasuan baditake nahasketa bat bezala bainan egia erran gaurko egunean hortaz ez duke nehork axola handirik. Alde batetik hilabete izena da alabainan eta bestetik Elizaren egutegian Eguberri aitzineko denboraldia. Bestaburu horren prestatzeko baliatzen dena. Bi abendu badira nolazpait. Eguberri aipatu baitugu, hirietako karrika eta plazetan anitz tokitan jadanik ezarriak dira Eguberri eta Urtats gogoan paratzen diren argi...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016