Herriz Herri - Azkaine (L) | 2019ko Azaroaren 28a

Azkaine

Azkaine

Esne, olio, irin... kafe Atxikitzen den edozoin elikagai saltegiko karroan sartu eta kanporat ateratzean pausatzen ahalko duzue Hazkurri Bankuari zuzentzeko. Bolondres taldeek beren arduradunekin sailkatu eta ekoizkinak altxatuko dituzte, gero beharren arabera partekatzeko familieri edo otruntzen zerbitzatzea segurtatzen duten elkarteeri. Ortzirael eta larunbat huntan, egun guzian antolatua da behartsueri jana eta bihotz-berotasuna hornitzeko hutsezin bilketa handi hori. Laguntza Katolikoaren arabera Frantzian 3 milioi haur pobreziaren sareetan hartuak litezke, 5 haurretarik 1 beraz: ezin sinetsia, hoinbertze diru xahutze eta ele ederren erresuman. Eta ez pentsa gure eskualdean ez dela beharrik. Elkartasunaren urratsa egitea gure esku dago eta esku zabaltasunak aberastuko gaitu. Haurridetasunez. Jostailu, joko eta liburu burtsa: “Appel Détresse” elkarteak antolatua du eta hazilaren 29 arte baduzue zuen emaitza ekartzeko Herriko Etxerat. Gauzek estatu onean izan behar dute gero prezio apalean salgai eman edo opari gisa izaiteko baliatuak bailitezke elkartearen fagoretan. Euskal Herria Cantat Ttiki Euskal Herriko Abesbatzen Elkarteak Iparraldeko Abesbatzen Elkartearen laguntzarekin, 5. aldikotz muntatuko duen ekimena hazilaren 30ean iraganen da Azkainen. Ehun bat haur kantu tailerretan bilduko dira koru zuzendarien ardurapean (10:00): Arabako Lumturi, Bizkaiako Kantalai, Gipuzkoako Andoaingo Udal Musika Eskola eta Iparraldeko Tximi Txama abesbatzek Imanol Lizasu Errenteriako Zaria koru eskolako zuzendariak hautatu eta landu beharrikako obrak pikoan ezartzeko. Gero talde bakotxak eta denek elgarrekin eskainiko dute kontzertua dohainik, Azkaineko elizan (17:30), Imanol Lizasuren gidaritzapean. Eguberriko merkatua Iraganen da goizetik arrats abenduaren 1ean Pierre Loti plazan
Email Buffer Facebook Google Twitter Pinterest LinkedIn Digg StumbleUpon Tumblr

3525. zbk

Gure Hitza | 2019/11/28

Neguila

Janbattitt Dirassar

Hor berean dugu abendoa, gero eta gehiago abendu deitzen duguna. Ene partetik aspaldian badut haatik halako arranguraño bat, urteko azken hilabeteak ukan baitu lekuka beste izen bat, neguila, batzuk laburtzen dutena, negila erranez, eta arras egokia berenaz, ene gustuko segurik, adiarazteko negua laster hasiko dela. Ez litakea domaia neguila izen hori arrunt eta alde bat galtzerat uztea? Gauza bera beste hilabete izen zonbaitentzat. Hala nola ilbeltza -hilabete beltza – hor delarik urtarrilarentzat eta loraila maiatzarentzat. Gainerat, abenduaren kasuan baditake nahasketa bat bezala bainan egia erran gaurko egunean hortaz ez duke nehork axola handirik. Alde batetik hilabete izena da alabainan eta bestetik Elizaren egutegian Eguberri aitzineko denboraldia. Bestaburu horren prestatzeko baliatzen dena. Bi abendu badira nolazpait. Eguberri aipatu baitugu, hirietako karrika eta plazetan anitz tokitan jadanik ezarriak dira Eguberri eta Urtats gogoan paratzen diren argi...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016