Ongi izaitearen eguna ongi pasatu da, gan den urtean baino jende gutiago izan da, bainan oroitu denbora txarra zela, hala ere jendea interesatua zen konferentzian bai eta ere tailerretan batetik bertzerat ibili baitira. Heldu den urtean berriz egitea pentsatzen dute. Taldeak denak eskertzen ditu. Kontseiluko berri Herriko lurretan, 2028 urte arte, 8 alokatze erreberritu dituzte laborarieri. Andiazabal eta Indart GAEC etxaldeak uzten dituzte beren alokatzeak eta eskua emaiten diote GAEC Artzainari hazilaren lehenetik, 2027ko buruilaren 30a arte. Elektrikarentzat ere badira lan batzuk egin beharrak, denak onetsiak izan dira. Lezetako prezioak ere egin dituzte 9€ helduentzat, 7,50€, 14-17 urte dituztenentzat eta 5-13 urte artean 5,50€. Telefonoko zuntz optikoarentzat (fibre optique) ezarri dute armairu handi bat Arizmendiko aldean, Burkiko bidean, zuntz hori emana izanen da 2020 edo 2021 artean. Atxuri Arteari ere alokatzea erreberritu diote bi urterentzat. Urriko sortzeak: Chretien Guerendiain Intza 10-11. Heriotzeak: Aspirot Marie-Pierre sortzez Dutournier 66 urtetan Akoka Leze aldekoa 10-02. Errandonea François 78 urtetan Arbu Zaharrekoa 10-22. Abisu: - Hazilaren 30ean larunbat egun guzian (9:00-19:00) Lur Berri gelan Eguberriko merkatua San Josepe eskolako haurren burasoek antolaturik, izanen da edateko eta jateko hor berean, etorri haur horien sustengatzerat. - Larre erretzeak egin nahi dituenak behar du izena eman Herriko Etxean hazilaren 30a aitzin. - Beti Gazte elkarteak antolatzen du aurtengo azken elkarretaratzea abenduaren 7an, larunbatez, Zugarramurdiko Azketa jatetxean. Menua: sangria tapas batzuekin, bakalaua errea, idi kostilak patatekin, gasna, sagar tarta, arno beltza eta gorria, kafea ondokoarekin 35€ eta kideentzat 28€. Zuen izenak eman abenduaren 3a aitzin deituz Jeannot 05.59.54.21.34, Colette 05.59.54.22.23 edo Maite 06.31.62.90.66. Erretretatu guziak gomitatuak dira elgarrekin egun goxo baten pasatzerat, elkartearen partez aitzinetik eskerrak deneri. Pilota trinketean 2. mailan: Alfaro Ellande – Calvet Daniel irabazdun 40-15 Goizeko Izarraren kontra. Artekoak: Sansinena Xanti – Iribarren Oihan irabazdun 40-00 Ñapurtarren kontra. Gazteak: Mariluz Julen – Etcheverry Unai irabazdun 40-04 Senpereren kontra. Iriarte Eñaut – Iribarren Oihan irabazdun 40-15 Abarratiaren kontra. Gaztetxoak: Vella Barneix Leni – Lecuona Peio galtzaile 40-22 Abarratiaren kontra. Etcheverry Pacheco Manex – Zozaya Eñaut galtzaile 40-15 Endaiarrak-en kontra. Kimuak: Goyheneche Ellande – Belleret Milan irabazdun 40-36 Denek Bat-en kontra. Bareyre Mikel – Behotegui Manu irabazdun 40-00 Denek Bat-en kontra. Aguirre Arkaitz – Pradere Donaiz irabazdun 40-18 Atzarriren kontra. Semerena Eneko – Saint Martin Joanes irabazdun 40-22 Atzarriren kontra. Umetxoak: Alduntzin Kaiet – Berasategui Unai galtzaile 20-19 Zaharrer Segiren kontra. Marin Imaz Eneko – Vella Barneix Mani irabazdun 20-07 Oztibartarren kontra eta galtzaile 20-13 Denek Bat-en kontra. Heredia Unai – Aizpurua Unai irabazdun 20-12 Zabaleta Huerta Auritz – Saint Martin Andoniren kontra.