Hegoaldean | 2019ko Azaroaren 28a

Joxe Azurmendi. Euskal pentsamenduaren ur-jauzia

“Joxe Azurmendi. Euskal pentsamenduaren ur-jauzia” izeneko kongresua iraganen da Donostian, abenduaren 11 eta 13 artean. Ekitaldi hau Jakinek, EHUk eta Gipuzkoako Foru Aldundiak antolatu dute, zegamar filosofoaren ekarpena aztertu eta lantzeko xedez. Filosofia, politika, hizkuntza, kultura eta literatura aztertu izan ditu Joxe Azurmendik. Horren lekuko dira argitaratu dituen 41 liburuak eta 500 bat artikuluak. Azurmendiren obraz gogoetatzeko, 50 aditu elkartuko dira San Telmo museoan. Kongresuaren idekitze ekitaldia abenduaren 11n eginen da. Honetan mintzaldi bana emanen dute Joseba Zulaika antropologoak, Miren Azkarate hizkuntzalariak eta Pruden Gartzia urgazle eta idazleak. Abenduaren 12an, kongresua hiru aretotan banatuko da, Azurmendiren ildo ezberdinak memento berean landu ahal izateko. Landuko diren gai nagusiak gizaberearen filosofia, gogoeta etikoak, pentsamendu soziala, kooperatibismoa, nazioa, estatua eta kultura izanen dira. Abenduaren 13an, aldiz, saio guziak areto nagusian eginen dira, goizean. Bi emanaldi berezi ere proposatuak izanen dira, biak Azurmendiren olerkigintzan oinarrituak. Lehen egunean, Gotzon Arrizabalaga irakasle eta musikariak kontzertua aurkeztuko du. Azken egunean, berriz, “Aginako zero bat” izeneko emanaldia eskainiko dute Manex Agirrek, Jon Aranburuk, Marco Bianchik eta Gaizka Amondarainek.
Email Buffer Facebook Google Twitter Pinterest LinkedIn Digg StumbleUpon Tumblr

Hegoaldean | 2019/11/28

Durangoko Azoka

Durangoko%20Azoka
Durangoko Azokaren 54. edizioa aurkeztua izan da joan den astean. Aurtengo honek izanen dituen berritasunak azpimarratu ditu, bereziki, Gerediaga elkarteko lehendakaria den Nerea Mujikak. Azoka gero eta handiago egiten ari dela eta, espazio berri bat erabiliko dute, Landako gunearen gibelean dagoen Musika Eskola. Honetan iraganen dira estreina ekitaldia, Gogoetaren Plaza eta DA! PRO egitasmoa. Azken ekimen hau baliatuko du Azokak Euskal Herriko programatzaile eta musikaren sektoreko sortzaile eta profesionalen arteko topaketa antolatzeko. Abenduaren 5eko goizean izanen da hau. Landako guneak itxura berria eskainiko du, erakusmahaien irudia aldatu baitute. Edizio honetan, 264 erakusmahai izanen dira eta hauetan 405 berrikuntza izanen dira ikusgai. Abenduaren 6an, Azokako Sormen Bekaren irabazleak no diren jakinaraziko dute. Aurtengo gaia musika izanen da. Ekoizpen berriak aurkezteaz gain, 200 ekitaldi baino gehiago proposatuko ditu Gerediaga elkarteak. ...

Irakurri segida

Hegoaldean | 2019/11/28

Euskal Herriko gazteen sarea

Euskal Herri osoko gazteen artean sarea osatu nahi dute Eusko Ikaskuntzak, Euskadiko eta Nafarroako gazteriaren kontseiluek eta Udako Euskal Unibertsitateak. Horretarako hainbat foro antolatu dituzte, lau gai nagusi lantzeko xedez: hezkuntza formala eta ez-formala, gobernantza, ongizate materiala eta euskara. Foroek bi fase ukanen dituzte. Lehenbiziko fasean 3 elkarretaratze eginen dira: hasteko, abenduaren 14an Donostian. Ondotik, Iruñean elkartuko dira, otsailaren 8an, eta azkenik Baionan, martxoaren 14an. Bigarren fasean, berriz, ordu arteko biltzarretan parte hartu duten gazte guziak foro bakarrean bilduko dira. 18 eta 30 urteko gazteek parte hartu ahalko dute foroetan, eta www. eusko-ikaskuntza.eus webgunean izanen dute izena emateko parada. Ekimen honen sortzaile diren gazteen ustez, foroak “abiapuntua” izanen dira, eta lanean segitzeko xedea dutela adierazi dute. Beren kezkak eta tresnak agertzeko txosten bat eginen dute, gobernuak interpelat...

Irakurri segida

Hegoaldean | 2019/11/28

Brouard eta Muguruza omenduak

Duela 35 urte hil zuten Santi Brouard ezker abertzaleko buruzagia Bilboko bere iker-gelan. 30 urte bete dira, berriz, Josu Muguruza Herri Batasunaren parlamentaria Madrilen tirokatu zutenetik. Azaroaren 21ean, omenaldia egin diete biei. Lehenik Bilboko Ametzola parkean Brouarden oroitarriaren aitzinean eta gero Errekalden, Josu Muguruza bizi izan zen auzoan iragan dira oroimen ekitaldiak. Josu Muguruzaren alaba eta Egiari Zor fundazioko kide den Ane Muguruzak hartu du hitza Errekalden. Biktimen umiliatzea hainbertze aipatzen den garai honetan Estatuaren indarkeria pairatu duten biktimek ere “umiliatua sentitzeko nahikoa arrazoi” badutela adierazi du. Halaber, Sortuk ere oroitarazi nahi izan ditu Santi Brouarden eta Josu Muguruzaren hilketak, Bilboko karriketan barna egin den manifestaldiaren bidez. Bestalde, Gasteizko Legebiltzarreko osoko bilkura hasi aitzin, minutu bateko isilunea egin dute talde guzietako parlamentariek Santi Brouarden omenez.

Irakurri segida

Hegoaldean | 2019/11/28

Bilboko geltoki intermodal berria

Azaroaren 27 honetan estreinatua izan da Bilboko geltoki intermodal berria. Honetan elkartuko dira aldirietako trenak, metroa, tranbia, autobusak, taxiak eta aireportuarekiko loturak. Bizikleten udal zerbitzua ere leku berean aurkituko da. Osoki lur azpian dagoen azpiegitura hau milioi euro baino gehiago gosta da. Urtean zazpi milioi pertsona errezibituko ditu, eta batez bertze, egunean 19 000 erabiltzaile ibiliko dira hortik. Termibus berriak lau solairu ditu. Lur arrasean, sarbideak izanen dira, eta merkataritza gune bat, oraino bukatua ez dena.

Irakurri segida

Hegoaldean | 2019/11/28

Pirritx Porrotx... Enrique Mayaren aitorpena

Joan den asteko Herrian aipatzen genuen nola Iruñeako udalak ezeztatu duen Pirritx, Porrotx, eta Marimototxek Nafar hiriburuko Baluarten eman beharra zuen ikuskizuna. Hastapen batean, dena estakuru ibili ziren udal arduradunek: irregulartasunak, segurtasuna, e.a. Ondoko egunetan, haatik, Enrique Maya alkateak argi eta garbi onartu du ezeztapen horren arrazoia politikoa dela. Pirritx, Porrotx eta Marimototx Ezker Abertzalearen “pailazoak” omen dira. Honela mintzatu da auzapez jauna: "Iruindar asko mindu egiten dira pertsona horiek txikienekin, haurrekin, duten harremana ikustean, ez da onena...” Zer ez den entzun behar, bertzenaz!

Irakurri segida

Hegoaldean | 2019/11/28

Iruñeako udala: euskararen ordenantza

Iruñeako Udalak ezeztatu du aitzineko agintaldian onartu zuten euskararen ordenantza, eta horren ordez 1997. urtekoa ezarri du plantan. Erabaki horren hartzeko, Navarra Suma koalizioak sozialisten sustengua ukan du. Enrique Maya alkateak pentsatzen du EH Bilduren udal-gobernuak onartu zuen araudiak euskara inposatzen zuela, eta horregatik, euskararen erabilerari “normaltasuna emateko beharra” Udalari dagokiola erran du. Hemendik aitzina, udal-administrazioan lanpostua erdiesteko euskara “meritu” gisa hartua izanen da, eta ez baldintza bezala. Halaber, ordenantza berriak ez die euskarazko arretarik bermatzen herritarrei, eta hizkuntza- paisaia elebiduna zalantzan ezartzen du.

Irakurri segida

Hegoaldean | 2019/11/27

Zubietako erraustegia

Azaroaren 28 honetan hasi da hondakinak erretzen Zubietako erraustegia. Mementoan, entseguak eginen dituzte, eta 2020ko martxoan jarriko da martxan. Jose Ignacio Asencio Gipuzkoako Ingurumen diputatuak erran du martxotik aitzina Zubietako plantan tratatuko direla Gipuzkoako hondakin guziak. Asencioren ustez, azpiegitura honek aro berri bat zabalduko du Gipuzkoarentzat: orain arteko bertze zabortegi guziak hetsi ahal izanen dituzte, eta ez dute hondakinik igorriko bertze lurraldeetara. Kutsadura ere anitz murriztuko dela baieztatu du diputatuak.

Irakurri segida

3525. zbk

Gure Hitza | 2019/11/28

Neguila

Janbattitt Dirassar

Hor berean dugu abendoa, gero eta gehiago abendu deitzen duguna. Ene partetik aspaldian badut haatik halako arranguraño bat, urteko azken hilabeteak ukan baitu lekuka beste izen bat, neguila, batzuk laburtzen dutena, negila erranez, eta arras egokia berenaz, ene gustuko segurik, adiarazteko negua laster hasiko dela. Ez litakea domaia neguila izen hori arrunt eta alde bat galtzerat uztea? Gauza bera beste hilabete izen zonbaitentzat. Hala nola ilbeltza -hilabete beltza – hor delarik urtarrilarentzat eta loraila maiatzarentzat. Gainerat, abenduaren kasuan baditake nahasketa bat bezala bainan egia erran gaurko egunean hortaz ez duke nehork axola handirik. Alde batetik hilabete izena da alabainan eta bestetik Elizaren egutegian Eguberri aitzineko denboraldia. Bestaburu horren prestatzeko baliatzen dena. Bi abendu badira nolazpait. Eguberri aipatu baitugu, hirietako karrika eta plazetan anitz tokitan jadanik ezarriak dira Eguberri eta Urtats gogoan paratzen diren argi...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016