Bidekoekin elkartasunez
Bidekoekin deitzen da Hazparnen
etorkinetaz arduratzen den
elkartea. Herrian badira: familia
bat hiru haurrekin, bikote bat
ñiñi batekin eta kolegioan eskolatuak
diren zonbait adingabe.
Elkartearen beharrak handiak
dira eta hiru motakoak:
Paperak goaitatzen dituzten
jende horiek ez dute diru
iturririk. Bizitegiak, kantinak,
administrazioak galdegiten
dituen harat-hunatak segurtatzeko,
dirua behar da.
Gazte batzuk familiak xerkatzen
dituzte asteburuak
eta oporrak pasatzeko.
Bestalde, hiru haur dituen
familiarentzat apartamendu
bat xerkatzen du elkarteak.
Familia hori Hazparneri
usatua da, laster paperak
ukanen ditu eta Hazparnen
bizi nahi du. Zerbaiten
proposatzeko edo edozoin
laguntza emaiteko huna
helbide bat: bidekoekin.
hazparne@gmail.com eta
telefono hauek: Nathalie 06
16 66 83 93 edo Marie Paule
06 83 12 52 12.
Abenduaren 14a
Eguberri aitzineko asteburuek
izigarriko furfuria badute, pesta
giroa sartu eta bi sos egin beharrez
ari baitira elkarte anitz.
Gisa hortan larunbatean eliza
inguruan Eguberriko merkatua
apailatzen dute Santa Terexa
eskolako burasoek eta Sokorri
Katolikoak. Bestalde, Ursuia
kolegioko burasoek bixkotxak
salduko dituzte. Arratsaldean,
Zelaitarrak Batasunak,
auzoko haurrak
ditu pestaño
batetara gomitatzen
Denen Gelara.
Izanen da besterik
ere... Alabainan
mediatekak txokolatearen
inguruan
apailatua du
abendua: txokoleta
istorio, dastatze
eta 14an azalaren
artatzeko kakaoz
osatu baltsamo
natural eta bio baten egiten ikastea.
Abenduaren 18an Hazparneko
txokoletazko bixkotx hoberenaren
zoin gehiagoka iraganen da
eta 20an, sailaren bururatzeko
(18:00) mintzaldi bat kakaoaren
jatorriaz, landatzaileen ezagutzea
eta bistan dena, oraino
dastaketa.
Zarea saltegian
Asteburu berezi hortaz baliatuko
dira ere, mozkinak Zarea saltegian
saltzen dituzten laborariak,
dastaketa berezi baten egiteko.
Bi larunbatez segidan, abenduaren
14 eta 21ean (10:30-12:00),
gauza goxoak izanen dira ezagutu
nahi duenarendako.
ZAPAT(H)ARI
Luzaz Hazparneren fama eta
aberastasuna egin duen zapatagintza
biziki gutti aipu da azken
urte hauetan eta dudarik ez da
garai horren arrastoak atxiki
eta ezagutarazi behar direla.
Ondoko egunetan hortaz zerbait
entzun eta ikusten ahalko
du nahi duenak Euskal Kultur
Erakundea, Clarenza eta Euskal
Etnopoloari esker. Huna zer
dion aurkezpen paperak:
Hazparnetik Hazparnerat! Hemen,
zapetak egiten ziren... Eta
gaur egun?
“Zapataren historia Hazparnen
bizi izan dutenen begietatik”,
abenduaren 19an (19:00) ostegunez,
Les Tilleuls ostatuan.
Aitzpea Leizaola Egaña antropologoaren
hitzaldia, Polo Garaten
argazkiekin.
Ladj Ly frantses zinegilearen “Les
misérables” filmak hotzikara eman daut.
Film bortitza, zozotua bezala utzi nauena.
Victor Hugoren Les misérables eleberriari
keinu bat eginez, Parisaldean den
Montfermeil hiriko kartier batean bizi duten
egoera gogorra
zaigu kondatua, garai
bateko etorkinen haurren inguruko istorio
korapilatsuak, errealitate
bat guk hemen
nehundik ere ezagutzen ez duguna. Hiri
handietan etorkinen kontrako bozak gero eta
gehiago altxatzen direla, ez da baitezpada
harrigarria. Alta, ez dira horiek hobendunak,
baina bai gobernu desberdinak, etorkinen
integratzeko araberako politika bideratzen
jakin ez dutenak. Victor Hugoren hitz
hauekin bururatzen da filma: “Ez da ez
belar tzarrik, ez gizon gaiztorik, lur-lantzaile
txarrik baizik”.
Negu atari huntan, elkarte humanitarioak –
Bihotzeko Ostatu, Gaueko Mahai, Epizeria
Solidario eta abar – lan eta lan abiatuak dira
gabezia handienean direnen fagoretan, hain
doa prekaritatea handituz gur...