Ate idekitzeak
Heldu den ikasurtearen
prestatzeko jadanik ikuska
ibili behar baita, aldi huntan
Elhuyar
kolegio publikoak ditu
bere ateak idekiko otsailaren
15ean (09:00-12:00). Eskolak
eskaintzen dituen sail guziak
aurkeztuko dira hango erakasle
batzuen laguntzarekin.
Sartzea, autobusen geltokitik
eginen da.
Josta Leku
Laster neguko oporrak dira
eskoletan eta usaian bezala
haurren jostalekua apailatua
da. Izenaren emaitea bi urratsetan
eginen da: lehenik hazpandarrak,
hauek lehentasuna
baitute, otsailaren 10etik 14ra.
Ondotik auzo herrietako haurrek
hartzen ahalko dituzte gelditzen
diren tokiak otsailaren
17tik 21era. Izenak eman Elgar
Zentroan gazteriaren zerbitzuan
edo interneten bidez
familien bidea segituz.
Urte guziz bezala, kaskarotak
aterako dira herrian aurten
ere, otsailaren 16an, Jeunes
Basques elkarteari esker.
Bestalde, eta jantziak plantan
prestatzeko gisan aski goiz
jakitea hobe. Eihartzeak ihauteriak
muntatu ditu otsailaren
22rako. Goizean 9etan, inguruko
herrien itzulia hasiko da
Ttattola gaztetxeak antolaturik.
Itzuliaren ondotik denak
Hazparnen elgarretaratuko
dira ikastolako aparkalekuan.
Haurrak dantzan ariko dira
eta joaldunak ere hor izanen.
Gero, huna egitarau aberats
bat:
Behi lasterrak (16:15)
Elgar Oinka dantzan
(17:30)
Zanpantzarren auzia
(18:00)
Arberuako txarangak
eta Soinubilako trikitilariek giroa
emanen dute.
Kontzertuak hasiko dira ondotik
(19:30), hauek ikastolak
antolatuak: Hutsun Txalaparta,
Los Bistros Volantes, Pelax eta
DJ Andeak Mix.
Erakusketa
Euskararen urtaroaren karietara
“Cadavre exquis” idazketa
jokoa iragan zen eta
horren segida ikusiko da
hilabete hunen 18tik martxoaren
7ra mediatekan. Alabainan,
Asisko Urmeneta,
Dominique Campistron eta
Laure Gomez-ek marrazkiak
egin dituzte atera ziren testuetarik
abiatuz. Idatziak eta
marrazkiak ikusgai izanen
dira elgarren ondoan erakusketa
hortan.
Haritz Barne
"Les rencontres Cinévasion"
festibal berri bat da, izen
bereko departamenduko
elkarteak apailatzen duena.
Zortzi zinema barne dira eta
memento berezi batzu proposatzen
dituzte geletan:
film bat ikusi eta egilearekin
mintzatzea.
Lehena otsailaren 19an,
asteazkenez eginen da,
(20:30) "Debout sur la montagne
" deitu filmarekin. Egilea,
Sébastien Betbeder
deitzen da eta Pauen sortua
da. Hor izanen da publikoarekin
solastatzeko.
Euskaltzaindiaren mendeburuko ospakizunak
bururatuak dira zenbait denboran huntan.
Urte bat pasa iraun dute. Jardunaldiak
(biltzarrak) arrakasta handiz iragan dira bai
eta ere bazterrean antolatuak ziren ikusgarriak,
antzerki, kantu, dantza, erakusketa.
Orain bere historiaren bigarren mendeko
laneri artoski lotua da erakunde ospetsua,
euskararen biziraupena luzara segurtatu
nahiz. Anartean, lehen mendeburuko ospakizunek
fruitu ederrak utzi dauzkigute.
Horietan Baionako Kalostrape jatetxean
urtarril bukaeran presentatuak izan zaizkigunak:
Berri Gogoa, Euskaltzaindiaren
lehen ehun urteak liburua eta Euskaltzaindia
100 urteko laguna komikia (edo istorio
marraztua, bande dessinée), bi obrak Juan
Luis Zabala kazetariak eta Amaia Ballesteros
marrazkilariak landuak. Gaualdi literario
hortan berean aurkeztua izan zaigu ere Euskaltzaindia
Egunak eta lanak dokumentala,
Bernardo Atxaga euskaltzainak proposatua
eta Fermin Etxegoienek zuzendua.
Euskaltzaindia 100 urteko lagu...