Herriz Herri - Heleta (NB) | 2020eko Otsailaren 13a

Heleta

Heleta

Dolu- Pierre Narbaits-Jaureguy dugu joan den astean segitu bere azken egoitzara. Nor ginuen Pierre? Biarnunteiko alaba Añarekin esposatua, bere biziko lan parte handiena Parisen iragana, Aljeriako gerlari ohia, erretiran Heletara jin ziren eta hor azken egoitza tokia erosi. Geroxago Baionaratu ziren, azken hiru urtetan osagarri eneguengatik senar-emazteak erretira etxe batetaratu ziren, mundu hau du utzi Pierrek. Ehorzketak gure elizan iragan dira, adiskide multxo bat jinik familiaren sustengatzeko. Orori gure dolumin bihotzekoak. Xantza on: Izoard zezenarekin bi urtez iragan zen Jean-Philippe Etcheverry Pariseko ferietara, bere sailan lehen urtean xapeldun eta bigarrenean lehen egin zuen. Horra aurten berriz doala beste zezen batekin. Merkel, 3 eta 4 urte artekoen kategorian, sailkapen guziz aberatsa, zortzi zezen izanen dira maila hortan berean, beraz handiena. “Bigarren edo hirugarren egin baneza” dio Jean- Philippek, guri ez zauku itsusi izanen lehen egin baleza ere, hain da fina eta jeinutsua Merkel Jauna. Gipuzkoan sortua, Baxe- Nafartua den kabala eder hori. Xantza on dakogu desiratzen, Heleta aipatua izanen da eta han izanen da oroitarazteko handik lekora primaderako feria izanen dugula eta orduan plazan ikusteko parada. Mezak: Ibiakoitzean (17:00) Armendaritze. Igandean (9:00) Landibarre Martine eta (10:30) Heleta.
Email Buffer Facebook Google Twitter Pinterest LinkedIn Digg StumbleUpon Tumblr

3535. zbk

Gure Hitza | 2020/02/13

Androide gidariak

Peio Jorajuria

Euskaltzaindiaren mendeburuko ospakizunak bururatuak dira zenbait denboran huntan. Urte bat pasa iraun dute. Jardunaldiak (biltzarrak) arrakasta handiz iragan dira bai eta ere bazterrean antolatuak ziren ikusgarriak, antzerki, kantu, dantza, erakusketa. Orain bere historiaren bigarren mendeko laneri artoski lotua da erakunde ospetsua, euskararen biziraupena luzara segurtatu nahiz. Anartean, lehen mendeburuko ospakizunek fruitu ederrak utzi dauzkigute. Horietan Baionako Kalostrape jatetxean urtarril bukaeran presentatuak izan zaizkigunak: Berri Gogoa, Euskaltzaindiaren lehen ehun urteak liburua eta Euskaltzaindia 100 urteko laguna komikia (edo istorio marraztua, bande dessinée), bi obrak Juan Luis Zabala kazetariak eta Amaia Ballesteros marrazkilariak landuak. Gaualdi literario hortan berean aurkeztua izan zaigu ere Euskaltzaindia Egunak eta lanak dokumentala, Bernardo Atxaga euskaltzainak proposatua eta Fermin Etxegoienek zuzendua. Euskaltzaindia 100 urteko lagu...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016