Egun eta bihar | 2020eko Otsailaren 13a

Mila egun!

J-B D

Asko gisetarat konda ditazke egunak! Asteka, hilabeteka, urteka edo berdin mendeka! Bainan ere, zendako ez alabainan, ehunka edo milaka, usaia hori ez bada ere hanbat sartua ere. Dena den, aski aditzen dugu hori egun hauetan, badu orain mila egun preseski Emmanuel Macron jarria dela presidenta! Badira dena goresmen ari zaizkionak eta badira alde bat dena arrangura plantatuak zaizkionak. Berrikitan agertu sondaia baten arabera %64 dira ez dutenak batere espanturik, iduritzen zaiote ez dela batere behar bezalako lehendakaria. %36-ek aldiz arras ona daukate. Zonbait hilabete barne bospasei tanto baditu galduak halere. Eliseo jauregian ez dute haatik holakorik azpimarratzen. Aldiz, biziki polliki kondatzen daukute jaz jauregi horrek aitzineko urtean baino aise sos gutiago xahutu duela. Kasu eginez arizan baita eta presidentak berak ere bidaia gutiago egin baitu, bereziki Frantziatik kanpo. Nork erran du ez dela berri onik aditzen hor gaindi? Hori ez dea berri ona preseski?
Email Buffer Facebook Google Twitter Pinterest LinkedIn Digg StumbleUpon Tumblr

Egun eta bihar | 2020/02/13

Mokoka!

J-B D

Mokoka!
Hauxe da bitxikeria hau ere! Muriel Penicaud eta Marlène Schiappa bi ministroak mokoka arizan dira eta oraino ere lanak dituzte elgar ezin adituz. Deputatu batek galdetu zuelarik hobeki sokorritzea haur bat galdua zuten burasoak, aste bat gehiago egoiten ahal lanerat joan gabe, Muriel Penicaud kontra agertu zen, hori sobera gostako zela, eta Marlène Schiappa oldartu zitzaion ahoan bilorik gabe. Geroztik, giroa aldatu da gobernuak ere gibelerat eginik bainan gure bi andereak beti hotzean daude, iduriz segurik biziki hotzean. Eta biak beti ministro.

Irakurri segida

Egun eta bihar | 2020/02/13

Bi gaitz berri

J-B D

Duela bospasei urte gaitz bat agertu zen Ekialde-Hurbileko baratze frangotan, makur frango eginez bereziki tomate landareetan. Geroztik hedatua da Europan gaindi. Berrikitan arte ezagutua etzen birus batek ditu bazterrak kotsatzen. Gaitza Italiarat sartua izanik, Espainian ere izanki naski zonbait kasu, laborantza-ministroak neurri bereziak baditu hartuak baratzezaingoari azkarki emanak direnek biziki kasu egin dezaten gaitza sartzen bada ere Frantziarat ez dadien bederen biziki heda. Azen ontzeko, edo izaitekotz aza eta beste baratzeki askoren kaltetan, beste gaitz bat ere bada ja Frantzian polliki sartua, Hego-Ameriketatik nolazpait ekarri xixari batek hedatzen duena. Eta erremediorik ez da! Delako xixari horiek behar dira lehertu eta erre!

Irakurri segida

Egun eta bihar | 2020/02/13

Gauza itsusiak

J-B D

Zernahi gauza itsusi kondatu da azken egun horietan. Ez gira xehetasunetan sartuko. Fama handiko kirolari ohi zonbait dira mintzatu salatuz nola denboran trebatzaile ukan dituzten bizpahiru gizonek bortxatu zituzten. Erranez ere zergatik ez diren menturatu orain arte itsuskeria horien berri emaiterat. Hortaz badira hor gaindi gaitzeko eztabaidak. Lerra-joko batzuetaz arduratzen den federakunde bat da naski gehienik inarrosia. Asko mendekatzen zaizkio burulehenari. Zerbait bazakiela aspaldian, zerbait baino gehiago ere berdin, bainan isilik egon dela. Berak haatik bere burua arrunt garbi dauka. Azkenean, joan den larunbat goizean, bere kargua utzi du halere, bazterrak lasai diten lehenbailehen.

Irakurri segida

3535. zbk

Gure Hitza | 2020/02/13

Androide gidariak

Peio Jorajuria

Euskaltzaindiaren mendeburuko ospakizunak bururatuak dira zenbait denboran huntan. Urte bat pasa iraun dute. Jardunaldiak (biltzarrak) arrakasta handiz iragan dira bai eta ere bazterrean antolatuak ziren ikusgarriak, antzerki, kantu, dantza, erakusketa. Orain bere historiaren bigarren mendeko laneri artoski lotua da erakunde ospetsua, euskararen biziraupena luzara segurtatu nahiz. Anartean, lehen mendeburuko ospakizunek fruitu ederrak utzi dauzkigute. Horietan Baionako Kalostrape jatetxean urtarril bukaeran presentatuak izan zaizkigunak: Berri Gogoa, Euskaltzaindiaren lehen ehun urteak liburua eta Euskaltzaindia 100 urteko laguna komikia (edo istorio marraztua, bande dessinée), bi obrak Juan Luis Zabala kazetariak eta Amaia Ballesteros marrazkilariak landuak. Gaualdi literario hortan berean aurkeztua izan zaigu ere Euskaltzaindia Egunak eta lanak dokumentala, Bernardo Atxaga euskaltzainak proposatua eta Fermin Etxegoienek zuzendua. Euskaltzaindia 100 urteko lagu...

Irakurri segida

Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016