Herriz Herri - Ahatsa-Altzieta-Bazkazane (NB) | 2020eko Maiatzaren 21a

Aldude

Maska banatzea Herriko Etxeak jakinarazten du herriko biztanleek maska bat eskuratzen ahal dutela Herriko Etxerat hurbilduz arratsaldetan 2:30etatik 5:30ak arte. Jakin ezazue herriko bost emazteren lan baliosari esker ditugula. Eskerrak Jeanne Ardantz, Hélène Baudour, Bernadette Bidondo, Anne-Marie Harispe eta Mari Paz Urricariet-i. Ibarreko ate idekitzeak “AIBA” elkarteak bilkura bat antolatu du heldu den urriko 16tik 18ra beharrak diren ibarreko ate idekitzetaz. Mementoko egoera ikusiz, proiektuaren segurtatzea zaila da bainan jakinez agorril arte bederen ez dugula xehetasun gehiagorik ukanen gertakari hunen mantentzeari buruz, erabaki dugu anartean lanean segitzea hertsadurak konduan hartuz. Erran gabe doa, feriaren egitea kabalik gabe, ez luke zentzurik. Eztabaida gaualdiak ere toki garrantzitsu bat badu. Alabainan, urtean zehar eramana den lan baten ondorioa da bai eta etorkizunean abiatze bat. Hemen ere beste anitz lekutan bezala holako antolaketa batek gastu handiak baditu baita ere baimen frango baitezpadakoak. Beraz aurtengo, egiten bada, pentsatzekoa da programa sinpleago bat izanen dela gastu guttiago eginez. Erran zaharrak dion bezala, musikak erranen dauku nola dantza!
Email Buffer Facebook Google Twitter Pinterest LinkedIn Digg StumbleUpon Tumblr

3545. zbk

Norbeitek ez badu deusik erraiteko eta hala ere zerbeit erran nahi, beti gaizki mintzatzen da.

Voltaire

Gure Hitza | 2020/05/21

Eta orain?

Janbattitt Dirassar

Ez bide da deusik irabazten gure solasetan dena itzuli-mitzuli artzearekin. Mintza gaiten beraz garbiki, deplauki aitortuz ez dakigula norat ari giren mundu guzian gaindi hoinbeste makur egiten duen gaitz izigarri horrekin. Orainokoan jakintsun handienek ere ez dakite xuxen xuxena erraiteko segurik, zer den koronabirus deabru hori. Zer den berenaz, nola hazten den eta nola hedatzen. Gauza frango ikasi da bizpahiru hilabete barne bainan beste frangoren ez jakinean gaude. Ikusten duguna da, ikusten eta senditzen, holakorik ez dela naski behinere gertatu, salbu beharbada Erdi- Aroan peste izurrite ikaragarri bat izan zelarik. Arrunt nahasiak gabiltza. Segur, lau asteko konfinatze luze bat jasanik, hein bat latza bainan gure onetan zena, gaitza etzadien sobera heda, etxetik ateratzen bederen ahal gira, hori bera ez baita guti. Joaiten ahal gira guhauren gusturat Hendaiatik Santa Grazirat edo Saratik Pauerat. Baimen berezirik gabe eta nehori ez erraiterik zertarat goaze...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016