Herriz Herri - Aiherra (NB) | 2020eko Maiatzaren 21a

Aiherra

Aiherra

San Isidro tristeak Antzuolan, Antzuolar eta Aihertarrik gabe… San Isidro egunaren ospatzea ohi dute Antzuolan, Maiatz erditsutan, eta aurten joan den larunbatean zen. Nahiz eta labori guti dagoen Antzuolan, laborantza eta kabala feira edo azoka antolatzen dute urtero, herriko kabala ederrenen erakusketa eginez, eta laborantza inguruko animazio ezberdinak antolatuz: behi deizte desafio, pintxo lehiaketa, txorimalo lehiaketa (txorien haizatzeko baratzetan ezartzen diren mamu edo izigailuak), bertsu saio eta beste. Aurten kolore berezia zuen San Isidro egun honek, koronabirus pandemia madarikatu honengatik ez baita usaian bezala egin ahal izan. Gainerat aurten Aiherrako kabalkadako dantzariak gomitatuak zituzten, eta ez dira etorri. Antzuolarrak triste ziren, eta Aihertar dantzari eta laguntzaileak ere, han ala hemen ez baitute konfinamenduaren lehen garaian errepetizionerik ahal izan. Halere egunaren markatzeko, herritar batzuek txorimalo edo kukumarro lehiaketan parte hartu dute, pintxo lehiaketan ere, Antzuolako txistulariek kalejira egin dute, erran nahi baita herri barneko karriketan barna ibili direla txistua joiten, behar den distantzia edo arteka atxikiz haatik musikarien artean (ikus argazkia). Beñardo Kortabarria, Antzuolako auzapezak, zioen halere beti gogoan dutela Aihertar Kabalkadako dantzariak Antzuolara gomitatzea, 2 herrien arteko trukaketak eta proiektuak berriz pentsatzea, mugak zabalduko direnean, eta pandemia hau bururatuko denean. Antzuolako bestak aurten ez dira eginen Pandemia istorio honen ondorioz, konfinamenduko lehen asteetan Antzuolarrentzat ez da errex izan, beren etxeetan hetsirik egoitea bortxatuak baitziren salbu eta bakarrik janari erosketen egiteko! Orain egunaz beren herrian eta Gipuzkoako herrietan ibiltzen ahal dira, lanera joaiten ahal dira ere, baina aktibitate guziak ezeztatuak dira. Herrian 3 ostatu daude irekirik, baina kanpoan baizik ez da zerbait hartzen ahal, klienten arteko distantziak errespetatuz, hots hauek ere hutsak gelditzen dira. Antzuolako besteri doakienez, ez dira hain segur eginen. Jai batzordea (besta komitea) maiatzaren 27an bilduko da, zerbaiten erabakitzeko. Kontseiluko bilkura, astelehenean, Denen Etxean Joan den martxoan herriko bozak iraganik, azkenean herriko kontseilu berria biltzen ahalko da. Bilkura heldu den astelehenean, maiatzaren 25ean iraganen da (21:00), Denen Etxean. Herriko auzapeza, axuant edo auzapez ordeak, eta ordezkari ezberdinak bozkatuko dituzte.
Email Buffer Facebook Google Twitter Pinterest LinkedIn Digg StumbleUpon Tumblr

3545. zbk

Norbeitek ez badu deusik erraiteko eta hala ere zerbeit erran nahi, beti gaizki mintzatzen da.

Voltaire

Gure Hitza | 2020/05/21

Eta orain?

Janbattitt Dirassar

Ez bide da deusik irabazten gure solasetan dena itzuli-mitzuli artzearekin. Mintza gaiten beraz garbiki, deplauki aitortuz ez dakigula norat ari giren mundu guzian gaindi hoinbeste makur egiten duen gaitz izigarri horrekin. Orainokoan jakintsun handienek ere ez dakite xuxen xuxena erraiteko segurik, zer den koronabirus deabru hori. Zer den berenaz, nola hazten den eta nola hedatzen. Gauza frango ikasi da bizpahiru hilabete barne bainan beste frangoren ez jakinean gaude. Ikusten duguna da, ikusten eta senditzen, holakorik ez dela naski behinere gertatu, salbu beharbada Erdi- Aroan peste izurrite ikaragarri bat izan zelarik. Arrunt nahasiak gabiltza. Segur, lau asteko konfinatze luze bat jasanik, hein bat latza bainan gure onetan zena, gaitza etzadien sobera heda, etxetik ateratzen bederen ahal gira, hori bera ez baita guti. Joaiten ahal gira guhauren gusturat Hendaiatik Santa Grazirat edo Saratik Pauerat. Baimen berezirik gabe eta nehori ez erraiterik zertarat goaze...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016