Herriz Herri - Donapaleu (NB) | 2020eko Maiatzaren 21a

Amikuze

Amikuze

Deskonfinamenduko lehen urratsak Amikuzen Zortzi asteren buruan, konfinamendutik ateratzen hasi gira. Bakoitzak bere maneran. Ez da segur krisi aitzinean ginuen giroa ukanen dugula ondoko aste eta hilabetetan. Macronek gerla hitza aipatu zuen birusaren erasoa izendatzeko, ez zen segurenik hitz egokiena zeren eta gerla finitzen delarik denak dantzan eta elkar pottaka hartzen dira! Gure kasuan ez du iduri holakorik izanen denik mementoan bederen. Amikuzeko herrietan, eskolak berriz abiatu dira. Arberatze, Arboti, Arüe, Domintxine eta Etxarri bateratzen dituen elkartean (RPIan), haurren erdiak lehen astean eskoletarat joan dira. Ama eskolako ttipiak sartuko direlarik aste huntarik goiti, hiruetarik bi izanen dira. Euskal Elkargoak hornitu dituen maskak etxeetarat heltzen ari dira emeki-emeki. Bestalde, maiatzaren 11tik goiti hondarkin guziak berriz bilduak dira, kesa horiak barne. Donapaleuko merkatua berriz abiatu da eta saltetxeek ere beren ateak zabaldu dituzte. Anitzek espero dute, ekainaren lehen egunetan, ostatuek eta jatetxeek ere berdin eginen dutela. Duela zonbait aste, konfinamendua hasi zelarik, Garruzeko Ñoelek asmatu zituen bertsu batzu, Herria kaseta huntan pasatu genituenak. Berari, galdegin diogu konfinamendutik ateratzean zer erran zezaken. Huna bidali dauzkigun bertsuak beti “Aita semeak tabernan daude” airean kantatzen ahal direnak. Errepika: Etxe zokotik ateraturik, gira hamekaz geroztik Etxe zokotik ateraturik, libro konfinamendutik Bi hilabetez gelditu eta, berriz mugitu gaitezke Paperik gabe, baimenik gabe, ehun kilometro arte. Erran daukute eritasunak, gibel egina duela Bainan halere kobibirusa, beti bizirik dagola. Iduri luke Euskal Herriak, ez direla hainbat joak Hortaz eskertu behar ditugu, erizain ta medikuak. Ez gaiten lotsa garaituko da, kobidaren iruzurra Goresten bada elkartasuna, irabaztea segurra. Bi hilabetez konfinatzeak, froga bat ekarri dauku Ahal dugula sufritu gabe, bizi-moldeak aldatu. Bizi-moldeak aldatu eta, gozatu udaberria Sasoin hunekin loratuko da, nahi dugun libertatea.
Email Buffer Facebook Google Twitter Pinterest LinkedIn Digg StumbleUpon Tumblr

3545. zbk

Norbeitek ez badu deusik erraiteko eta hala ere zerbeit erran nahi, beti gaizki mintzatzen da.

Voltaire

Gure Hitza | 2020/05/21

Eta orain?

Janbattitt Dirassar

Ez bide da deusik irabazten gure solasetan dena itzuli-mitzuli artzearekin. Mintza gaiten beraz garbiki, deplauki aitortuz ez dakigula norat ari giren mundu guzian gaindi hoinbeste makur egiten duen gaitz izigarri horrekin. Orainokoan jakintsun handienek ere ez dakite xuxen xuxena erraiteko segurik, zer den koronabirus deabru hori. Zer den berenaz, nola hazten den eta nola hedatzen. Gauza frango ikasi da bizpahiru hilabete barne bainan beste frangoren ez jakinean gaude. Ikusten duguna da, ikusten eta senditzen, holakorik ez dela naski behinere gertatu, salbu beharbada Erdi- Aroan peste izurrite ikaragarri bat izan zelarik. Arrunt nahasiak gabiltza. Segur, lau asteko konfinatze luze bat jasanik, hein bat latza bainan gure onetan zena, gaitza etzadien sobera heda, etxetik ateratzen bederen ahal gira, hori bera ez baita guti. Joaiten ahal gira guhauren gusturat Hendaiatik Santa Grazirat edo Saratik Pauerat. Baimen berezirik gabe eta nehori ez erraiterik zertarat goaze...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016