Baigura Ikastolako sartzea Asteartean 5 urteko 10 ikasleekin hasi dira. Ostegunetik goiti 1., 2., 3., 4. eta 5. urtekoekin segitu eta ostiralean Ama Ikastolako azken urtekoak juntatu dira. Astelehenean Ikastolako artekoak sartuko dira. Ikastolara heltzea eta joaitea arautua da burasoek urruntasun neurriak errespetatuz. Goizetan klasea egiten dute 3 taldetan, 15 haur gehienik taldeka, gela batean 4. eta 5. urtekoak, beste gela batean 1, 2. eta 3. urtekoak eta ondoko gelan ama ikastolakoak. Eguerditan ahal bezainbat ikasle etxerat sartzen dira (ahal dutenak). Egoiten direnek (10 bat) etxetik ekarri bazkari hotza jaten dute gelako mahainetan. Bazkalduta jokoak eta irakurketa bakotxak bere lekuan eta 14:00etatik goiti, 15:00ak eta laurden arte berriz lanean. Eta azkenik eguna goxoki bururatzeko eskulanak edo kirol pixka bat. Andereñoek diote haurrak kontent direla ikastolarat jiteaz eta ohartu dira hetsialdi denboran, familia gehienetan karraskan lanean arizan direla. Orokorrean lehen astea ongi pasatu da eta denek mementu goxoak pasatu dituzte. Herriko kontseilu berrien osatzea Lekornen eta Makean, hautagaitzarako zerrendak lehen itzulitik pasatu ziren, mementoan ez dugu berririk kontseiluko bilkurak noiz iraganen diren. Aste huntan bilkuraren egunak finkatu beharrak dituzte. Ondoko astean aipamena eginen. Makea Eskola Publikoaren sartzea Makeako eskola publikoan, CP maila hasi da, 12 ikasletarik, 8 haurrek eskolako bidea berriz hartu dute. Beste 4 haur amaeskolan dira, hauen burasoak “lehentasunezko langileak” izanez. Lekorne Bazkariak manatzen ahal Plazan kokatua den Etchebarne ostatuak ere “drive” moduan apairuak proposatzen ditu. Menu desberdinak, helduentzat edo(ta) haurrentzat, 11:30etarik harat hartzen ahal dira. Azken epea manatzeko: 10:00ak, deitu 05.59.29.62.63 edo mailez restaurant.etchebarne@ orange.fr.