Maskak - Banatuak izan dira ortzegun eta ortziralearekin Lur Berri gelan. 11 urtetarik goiti saratarrek ukan dute maska bana, bertzea berantago izanen dute, dena ongi pasatu da, jendea etorria zen beren ageriekin. Eskolak – Gan den asteartean eskolak hasi dira, dena ongi, haur ttiki horiek letzioneak ongi ikasiak zituzten, denak errespetuan ikasleen erranari kasu emanez. Polliki polliki... denborarekin denek lehengo martxa hartuko dute. San Josepe eskola berria - Sarako Hirigoyen enpresa, oraiko eritasun hortan ez da konfinatua egon, denak aritu dira lanean. Bai, eskola ongi aitzinatu dute, teilatua emateko prest eta Amestoy enpresa, saratarra ere, lehorra ematen ari. Orai barneko lanetan denbora txarra izanikan ere, lanak egiten ahalko dituzte, oraino lan handiak badira egiteko. Beharbada buruileko eskola sartzea hor eginen da. Bertzalde lehengo eskolan ere bizilekuak aitzinatzen ari dira, ikusten dugun bezala ez dira denak konfinatuak egon eta beharrik, ekonomiak behar du aitzina segitu.