Ba ote dakixu? | 2020eko Maiatzaren 21a

Berrogeiko gerla (3/8)

Gilen Bacho

Berrogeiko%20gerla%20(3/8)

Maiatzaren 10eko lehen tenoreetan, aleman eliteko komandoak sartzen ziren Belgika, Holanda eta Luxenburgo lurraldeetan. Militar postu estrategikoak miran hartuak ziren eta lehenik zubiak. Etsaiak suntsitu baino lehen hartu behar ziren. Belgikan, Albert kanaleko zubiak kontrolatu behar ziren mendebaldeko bidea idekitzeko. Eben-Emael-eko gotorlekua, Belgikan, alemanek atakatu zuten goizeko 4ak eta erditan. Europako gotorleku indartsua bezala ikusia zen, Belgikako 700 soldaduekin barnean. Baina, 36 orenez, 55 aleman paraxutista gotorlekuaz jabetuko ziren zartagailu anitz eta eraginkorrak erabiliz. Holandan ere, guduka zinez gogor eta odoltsuak hedatzen ziren. Holandesek ere heroismo handi bat erakusten dute. Ypenburg hirian, egiazko garaipen bat lortzen dute (1.000 aleman soldadu hilak edo kolpatuak eta 183 aleman hegazkin suntsituak). Baina, maiatzaren 10eko iluntzean, alemanek Holandako militar postu estrategiko anitz okupatzen zituzten, Belgikan eta Luxenburgon bezala. Frantziako mugatik zinez hurbil. Goizean, ustekabean atakatuz, alemanek 232 frantses hegazkin suntsitu zituzten. Baina, armadako kontrolatzaile orokorra zen Jacomet jauna sinesten badugu, frantses agintaritza nagusiak konfiantza handi bat begiratzen zuen: “ikusi bazenuten, nik ikusi dudan bezala, goiz honetan, Gamelin jeneralaren irriño zabala, ez zenuketeen arrangurarik izango. Alemanek igurikatzen zuen okasionea emaiten diote”. “Orduan, beldur?” Lehen tenore hauetan, koordinazio falta da aliatuen problema handiena. Belgika estatu neutrala zen alemanen inbasioa arte. Horretako, maiatzaren 10ean, frantses tropak igurikatu behar dute goizeko 7ak arte Belgikako gobernuaren muga pasatzeko, baimena lortzeko. Arratsaldeko 13etan, tropa britainiarrak Belgikan sartu nahi zutelarik, Belgikako mugazain batek gelditu nahi zituen pasatzeko baimena beren eskuetan ez baitzuten! Britainiarrek hesia lehertzen dute eta beren bidea segitzen. Goizeko 4etan, Belgikak 330 suntsitze erabaki zituen, zubiak lehenik, frantseseri ezer erran gabe, eta horrek frantsesen aitzinamendua trabatuko du. Métivierek, frantses kapitain batek, ber egunean, tanken kontrako oztopoak Wavre-Namur defentsa lerrotik kenduak izan zirela deskubritzen zuen. Otsailean, Belgikako armadak 6.000 oztopo horiek ekialdera eramaitea erabaki zuen. Metivier-ek Belgikako agintaritza nagusiari esplikazioneak galdegiten dituelarik, arrapostu hori ukaiten du: “Belgikaren erdia sakrifikatzea ez da posible baina ez arranguratu, dena ongi da, etsaia menean atxikia da”. Biharamun arratsaldean, bi egunez, alemanek Albert kanala kontrolatzen zuten, bere zubiekin (alta Belgikako jeneralek, alemanen aitzinamenduari aste batez buru egitea pentsatzen zuten). Métivier- ek frantses agintaritza nagusia informatzen du. Prioux eta Blanchard jeneralek galdegiten dute Dyle maniobra uztea. Ez da posible lerro horren gibelean egoitea ez baldin bada egiazko defentsarik! Belgikaren men- debaldean instalatzea, Escaut ibaitik Ardenak arte, proposatzen zuten. Alemanek Belgikan eta Holandan aitzinatzen ziren tropa aliatuak zinez guti bonbardatzen zituztela ohartzen ziren ere. Tranpa senditzen zuten. Gibelera egite bat antolatzeko oraino bazen denbora tropa aliatu hoberenak, Holandan eta Belgikan zirenak, salbatzeko, berantago, kontraofentsiba bat entseatzeko. Baina, Gamelinek ez du batere hola pentsatzen eta igortzen du Billotte jenerala, Prioux eta Blanchard bide zuzenean berriz ezartzeko “Orduan, beldur? Behar da Dyle maniobra bukaera arte eraman”. Ber momentuan, alemanek beren ofentsiba nagusia hasiko zuten, Ardenetako oihanean ongi gordeturik.
Email Buffer Facebook Google Twitter Pinterest LinkedIn Digg StumbleUpon Tumblr

3545. zbk

Norbeitek ez badu deusik erraiteko eta hala ere zerbeit erran nahi, beti gaizki mintzatzen da.

Voltaire

Gure Hitza | 2020/05/21

Eta orain?

Janbattitt Dirassar

Ez bide da deusik irabazten gure solasetan dena itzuli-mitzuli artzearekin. Mintza gaiten beraz garbiki, deplauki aitortuz ez dakigula norat ari giren mundu guzian gaindi hoinbeste makur egiten duen gaitz izigarri horrekin. Orainokoan jakintsun handienek ere ez dakite xuxen xuxena erraiteko segurik, zer den koronabirus deabru hori. Zer den berenaz, nola hazten den eta nola hedatzen. Gauza frango ikasi da bizpahiru hilabete barne bainan beste frangoren ez jakinean gaude. Ikusten duguna da, ikusten eta senditzen, holakorik ez dela naski behinere gertatu, salbu beharbada Erdi- Aroan peste izurrite ikaragarri bat izan zelarik. Arrunt nahasiak gabiltza. Segur, lau asteko konfinatze luze bat jasanik, hein bat latza bainan gure onetan zena, gaitza etzadien sobera heda, etxetik ateratzen bederen ahal gira, hori bera ez baita guti. Joaiten ahal gira guhauren gusturat Hendaiatik Santa Grazirat edo Saratik Pauerat. Baimen berezirik gabe eta nehori ez erraiterik zertarat goaze...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016