Euskal diaspora | 2020eko Maiatzaren 21a

Munduko euskaldunak ez ditu COVID-19ak uzkurtu eta kikildu

Joseba Etxarri

Munduko%20euskaldunak%20ez%20ditu%20COVID-19ak%20uzkurtu%20eta%20kikildu

MERCED, KALIFORNIA. Aita Antton Egiguren gipuzkoarrak hartu zuen 2014an Aita Martxel Tillous xiberotarraren segida Estatu Batuetako euskaldunen omonier gisa. Hastapenean Idahoko Boisetik, duela hilabete batzuk Kaliforniako Fresnoko elizbarrutira pasatu zen eta hor ari da giristinoen mesedetan, partikularzki euskaldunen zerbitzuko. Haatik, aurten, euskal piknik eta bestak bertan behera utziak direlarik koronabirusagatik, iduritzen ahal zuen mezak ere hala izanen zirela. Baina ez. Pazko igandez hasi zen Aita Antton mezak igande guziz internetez emaiten euskaraz eta ingelesez, eta hala segitzen du, Euskal Herrian 18:00ak direlarik eta Kalifornian goizeko 9:00ak. Ber denboran aste egunetan arrosarioa emaiten du online, euskal komunitate barnean eri direnak eta pausatu direnak gogoan. Nahi duenak Facebooken jarraitzen ahal ditu, Merced-ko "St. Patrick's Parish and Our Lady of Mercy"ren hostoan. LOS BANOS eta BAKERSFIELD. Uda huntako euskal piknik eta bestak bertan behera utziak Estatu Batuetan; joan den igandean Los Banoseko piknikaren tenorea zen eta, iragarri bezala, ez zen egin, Aita Anttonen online meza salbu, bertako eriak, xaharrak eta euskaldunak oro otoitzetan aipaturik; eta heldu den asteburuan, Bakersfieldeko besta zelarik, meza ere Bakersfieldeko euskaldunak gogoan emanen du pater euskaldunak. Aitzinetik igortzen ahal zaizkio eskeak Facebookez. BUENOS AIRES, ARGENTINA. COVID-19ak mundu guzia du harrapatua, eta Buenos Airesen ere, egitekoa zen, maiatzaren 10ean, "Buenos Aitres Celebra País Vasco " (Buenos Airesek EH ospagai) besta erraldoia hiriko karriketan, Avda de Mayo-n. Eta hemen ere, hetsialdiaren karietara posible ez zelarik, Laurak Bat euskal etxe antolatzaileak, hogeita hamar euskal etxe eta elkarte lankide, elgarretaratzearen bertsio online bat antolatu zuen, sei ordu oso, euskaldunen gogoa eta enbeia goiti atxikitzeko, batere kikildu eta uzkurtu gabe koronabirusagatik. BAC besta horietan, Buenos Airesko Herriko Etxea da arduradun eta antolatzaile instituzionala, eta gero hiriko gizatalde eta nazioetako elkarteak dira bakotxa bere kulturari dagokion ekitaldiko antolatzaile zuzena. Euskaldunen kasuan, heiek izan dira ekitaldi presentziala bertan uztearekin ez konformatu eta edizio birtual azkarra antolatzen lehenak, beste nazio eta komunitateeri bidea markaturik. Arras kontent ziren Buenos Airesko auzapeza eta bere gobernukideak emaitzekin, eta, bistan da, heiekin bat, baita euskaldunak ere. NEW YORK, AEB. Ikusten ari zirezte, koronabirusaren aitzinean munduko euskaldunak ez direla batere besoak gurutzaturik gelditu eta batera edo bestera ari direla mugitzen eta bazterrak inarrosten, bizitzak segitzen baitu eta segitu beharko baitu, gogotsu, ahaleginak indartu eta zaharberriturik. Ondarreko aipu bat, COVID-19ak baldintzatua hau ere. Mikel de Luis bilbotarrak Haizea bere euskal jatetxe berria idoki behar zuen New Yorken eta koronabirusak harrapatu du tartean. "Amona Events" enpresako nagusia da bera, eta emeki baina hasia da janaria zerbitzatzen, mementuko etxerainoko zerbitzuarekin, debekuak noiz kenduko zain. Ongi etorri euskal ekimen berri honi ere!
Email Buffer Facebook Google Twitter Pinterest LinkedIn Digg StumbleUpon Tumblr

3545. zbk

Norbeitek ez badu deusik erraiteko eta hala ere zerbeit erran nahi, beti gaizki mintzatzen da.

Voltaire

Gure Hitza | 2020/05/21

Eta orain?

Janbattitt Dirassar

Ez bide da deusik irabazten gure solasetan dena itzuli-mitzuli artzearekin. Mintza gaiten beraz garbiki, deplauki aitortuz ez dakigula norat ari giren mundu guzian gaindi hoinbeste makur egiten duen gaitz izigarri horrekin. Orainokoan jakintsun handienek ere ez dakite xuxen xuxena erraiteko segurik, zer den koronabirus deabru hori. Zer den berenaz, nola hazten den eta nola hedatzen. Gauza frango ikasi da bizpahiru hilabete barne bainan beste frangoren ez jakinean gaude. Ikusten duguna da, ikusten eta senditzen, holakorik ez dela naski behinere gertatu, salbu beharbada Erdi- Aroan peste izurrite ikaragarri bat izan zelarik. Arrunt nahasiak gabiltza. Segur, lau asteko konfinatze luze bat jasanik, hein bat latza bainan gure onetan zena, gaitza etzadien sobera heda, etxetik ateratzen bederen ahal gira, hori bera ez baita guti. Joaiten ahal gira guhauren gusturat Hendaiatik Santa Grazirat edo Saratik Pauerat. Baimen berezirik gabe eta nehori ez erraiterik zertarat goaze...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016