Abisuak | 2020eko Uztailaren 02a

Presoen alde: jende katea

Presoen%20alde:%20jende%20katea

Joan den larunbatean Bake Bideak eta Bake Artisauek Ziburu eta Donibane Lohizune artean gomita zabaldu zuten jende kate baten bidez euskal preso politikoak sustengatzera.

Antolatzaileek salatu nahi izan dute bake prozesua blokatua izaitea eta frantses agintarieri aktore izaiteko galdea egina izan zaie.

Hitzordu horren eguna lotu nahi izan dute ostegun huntan Jakes Esnal, 69 urteko presoa, 30 urte hauetan kartzelan dena, baldintzapeko dei auzia iraganen baita, baldintzapeko askatasuna onartua izan zaion. Antolatzaileek ziotela “Ez dugu zigor heriotzaraino betetzeko onartuko”. Hunekin batean Xixtor Haramburu eta Ion Parot- en kasuak aipatuak izan dira, baldintza berdinetan direlakoz, 30 urte kartzelatuak.

Bestalde gogoratu dute ere Mikel Barrios, aste huntan berriz presondegiratua izan dena, “ez da kartzelak betetzeko garaia, husteko garaia baizik” gehitzen zutela.

Ekainaren 23an, Euskal Herriko ordezkaritza bat Parisen zen, prozesua aterabiderik gabeko bide batean dela ohartarazteko. Deiadarra jo dute, auzitegiko judeek libratzeko baimena emaiten dutelarik, prokuradoreak aldi oroz hartu erabakiaren kontra joanez, bake prozesua keinka txarrean ezarriz. “Abiatu prozesuak bururaraino joan behar du: ez da beste hauturik” boz eramaileek gehitzen zuten. Irailaren 19ko mobilizazio deia egiten dute, jakinaraziz estrategia berri bat abiatu nahi dutela, bidea oztopatzen duen murrua hausteko. Ekimen hunen berri berantago emanen dutela zioten antolatzaileek.

Email Buffer Facebook Google Twitter Pinterest LinkedIn Digg StumbleUpon Tumblr

Abisuak | 2020/07/02

Sinestea – Izaitea

P.U.

Da goiko izpiritu guzien egilea, ingurumena, arbola, jende, animale, kolorez desberdinak izanagatik, bakotxak badu daukan itxuran, ikusmolde berezi bat: nortasuna! Hori atxikiz, hitzarekin bide eginen du, osasunak laguntzen badu!

Irakurri segida

Abisuak | 2020/07/02

Xilaba 2020 badator!

Xilaba%202020%20badator!

Bertsularien Lagunak jakinarazten du, irailaren 19an Hiriburun abiatuko dela 2020ko txapelketa, bururatzeko azaroaren 21ean. Lapurdi, Baxe Nafarroa eta Zuberoako 28 bertsularik izena emana dute, beste aldietan baino gehiagok. Hiriburuko La Perle gelan hasi eta, ondotik asteburu guziz hamar saio jokatuko dira, azaroaren 21eko finalera arte. Azken saioa edo finala Donibane Lohizuneko Jai Alaian iraganen da. Aurten parte hartuko dutenak hauek dira: Aitor Servier, Amets Arzallus, Battitt Crous- peyre, Bittor Thicoïpe, Bixente Hirigarai, Egoitz Zelaia, Elixabet Etxandi, Gillen Hiribarren, Iker Altuna, Irati Alcantarilla, Johaine Sarraillet, Josu Txoperena, Kerman Diaz, Maddalen Arzallus, Maddi Ane Txoperena, Maddi Sarasua, Maindi Murua, Miren Artetxe, Mizel Mateo, Odei Barroso, Oier Urreizti, Oneka Arteaga, Ortzi Idoate, Patxi Iriart, Pettan Prebende, Ramuntxo Christy, Xan Alkhat eta Xumai Murua. Xilaba 2019an taldeka jokatu zen, aurten banaka ariko dira

Irakurri segida

Abisuak | 2020/07/02

Bertsularien xokotik

B.S.

Beste edozoin ekitaldi kultural bezala konfinamendu denbora huntan bertsularitza ere geldialdi on batekin egon da Euskal Herri osoan eta Iparralde huntan ere bai dudarik gabe. Bainan berriz hasiak dira lanean bereziki Bertsularien Lagunak elkarteko erakasle eta arduradunak gogo handirekin. Eskolarteko xapelketa bat antolatzen dute 14-18 urte artekoentzat. Saioak iraganen dira denak elkartearen egoitzan Senpere Amotzeko Larraldean eta hauek dira: 24 bertsulari gazte lehian, lehenik bi kanporaketetan uztailaren 4an larunbat goizez 10:00 etarik goiti; bi finalerdi uztailaren 11n goiz partean 12 hoberenekin eta finala egun berean arratsaldean 6 hoberenekin. Horren ondoren ez da finkatua oraino Euskal Herri osoko eskolartekoa jokatuko den ala ez.

Aurten zuzenean XILABA xapelketaren urtea da eta elkarteak antolatuko du xapelketa hori 28 bertsulari heldurekin. Irailean hasi behar laike, azaroan Donibane Lohizunen bukatzeko gisan. Gora bertsularitza!

Irakurri segida

3551. zbk

Gure Hitza | 2020/07/02

Elorrimenditik

Peio Jorajuria

Gutiz gehienek “La colline de la Bergerie” deitzen dute. Alta, Kanboko muno horrek badu jatorrizko euskal izena: Elorrimendi. Departamenduak berrikitan diruztatua du, kaskoan, eraikin bat, Iñaki Noblia kanboar arkitekto gazteak marraztua. Euskal Herriko zurez eraikia da osoki eta zuhaitz hosto baten forma du. Deitu dute Elondare, Elorrimendiren lehen bi hizkiak eta “ondare” hitza uztartuz. Bisitaz izan berri gitzaio, oihanean barnako oinezko igoera xorien kantuek alaiturik. Eraikin oso pollita da. Hemendik aitzina animazio frango aterbetu beharrak omen ditu. Balioko du.

Elorrimendiko gainetatik bista zabala da inguruz inguru, hurbileko mendiak ageri. Alde batera, Urtsumendi. Hunen gainekaldeko zerua lasai lasaia aurkitu dugu, hodei beltzik gabe, mementoko bederen. Bestaldera, Mundarrain. Hemen aldiz zerua frango gorrail. Pentsa! Pekaldeko herrian, Itsasun, herriko bozen bigarren itzuliaren karietara, giroa nahiko beroa zen. Eta bat-batean entzun ditugu oihuak eta t...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016