Sortze

Joan den ebiakoitzean Munixtako Christelle Goyhenetche eta Urepele Arotz Zelaiko Mattin Alfarori lehen haurra sortu zaiote, semea, Mikel deitu dutena. Familia hau Aldude Munixtan bizi da.Goresmenak Christelle eta Mattin eta ongi etorri Mikel ttipiari.

Heriotze

Berrikitan, Akizen zendu da Etxalakutoineko Marie Thérèse. Duela 103 urte hamaika haurridetako familia batean sortua, seme baten ama zen. Joan den astean, Arrangoitzen, Marie Copenttipy ehortzia izan da 98 urtetan. Marie Esnausu Xalosan sortua zen. Bi seme-alaben ama zen.

Doluminak Harriet eta Copenttipy familieri.

Aitzineko astean aipatu dugu Joanes Oçafrain 84 urtetan hil zela, Gexan Lantziri koinatak bertsuak eskaini zizkion, hemen irakurgai direnak.

JOANES OZAFRAIN

Joanes Ozafrain lur honetako

Bizitza duzu berriki,

Alduden “Argizabal” etxean

Utzia arras isilki...

Beatriz, Kristine bai eta Yvette

Hiru ahizpak ederki

Altxatu dituzu Monikekin...

Egun denak amultsuki

Hemen gaude zure inguruan

Zutaz mintzatuz goxoki! (bis)

Bankan, Bordaxarrean sortua

Hamaiketarik bosgarrena,

Amerikan gaindi ibilia

Artzain, baratzezain fina...

Kantu xaharrak errepikatzen

Askotan zaitut entzuna,

Horrela zure inguruari

Emanez alaitasuna...

Oroitzapen hori ene baitan

Daukat bihotzean barna. (bis)

Palestinako Jesusenganik

Ukan dugun sinestea

Ez da zuretzat, ez da guretzat

Alegiazko ustea...

Zuk ere iragana baituzu

Orain zeruko atea...

Han direnekin osa ezazu

Berriz kantari taldea

Eta elgarrekilan gozatu

Zeruko zorion betea! (bis)

(G.L. 21-11-14