Herriz Herri - Urruña (L) | 2021eko Abenduaren 02a
Xanpol Urrutia ezaguna da Urruñan, herriko harakin fina delako, eta baita ere mendizale amorratua delako. Euskal Herriko mendiak maiz korritzen ditu, Iparraldean zein Hegoaldean. Jaz Kilimanjaron, Afrikan zehar, ibili zen eta aurten, berriz, Himalaian barna, sei mila metroko mendi gailurretara igoz. Laster gurekin izanen dugulakoan, lerro hauetatik agur beroa igortzen diogu.
Herriz Herri - Urruña (L) | 2021/12/02
Hilaren 24an, asteazkenarekin eta Euskal Elkargoak antolatu 100 ekimenen barruan, “Latsagietako Eleak” ipuin kontaketa izan zen Lokala elkartean, Joseba Martin Aialak kontaturik 10 urtetik goitikoendako. Bost istorio ziren, eta aldi bakoitzeko, emazte bat zen protagonista.
Herriz Herri - Urruña (L) | 2021/12/02
Hilaren 16an, asteartearekin, salgai ezarri zuten ohiko tokietan: Dongaitz ostatuan, tabako bulegoan, Urrutia harategian, Aldako burdindegian, Xaia ostatuan, turismo bulegoan… 166 orrialde kolorez eta Urruñari eskainiak. Gehien-gehiena euskaraz. Prezioa: 10 euro.
Herriz Herri - Urruña (L) | 2021/12/02
Azaroaren 13an, larunbatarekin, Zizkoitzeko lepoan, Urruñako Herriko Etxeak oroigarri bat ezarri zuen Pantxoa Saint-Esteben zizelkariak, duela 30 urte Maurice Abeberri euskaltzalea omentzeko, bazter hartako harrietan egin zuen lan ederra sariztatu nahian.
3619. zbk
Gure Hitza | 2021/12/02
Peio Jorajuria
Ostiral huntan ospatuko da euskararen nazioarteko eguna. 1949an, Eusko Ikaskuntzak zuen erabaki egun horren ospatzea, Xabierreko Frantziskoren besta egunean, hots abenduaren 3an, euskal hizkuntzaren unibertsaltasuna goratik jakinarazteko. Geroztik urte oroz errepikatzen da egun hori. Gainera, Eusko Jaurlaritzak eta Euskaltzaindiak 1995ean ofizialdu zuten egun hori, indar oraino handiagoa eman nahiz.
“Euskararen eguna hainbeste urtez ospatzen eta gure mintzaira xaharra beti erreka zolan!” Bai, hala da, emazteen egunaren pare, “emazteak martxoaren 8an goraipatuak baina urte guzian beti berdin gutietsiak”. Ez gaiten lotsa. Bakoitzak gure xokoan egin dezakegu euskararen aldeko urratsa, eta ttipia izanik ere, urrats guziak bat bertzeari juntatuz, euskara bizirik atxikiko dugu. Euskararen egunean bururatuko den “Euskararen urtaroak” oldar berezia em...
Diaspora: Uxue Alberdi Mexikon, Euskararen Eguna (ENE) eta Trujilloko Euskal Etxea
Jaurlaritzak Gorenaren aurrean helegitea jarri du Auzitegi Nagusiaren erabakiaren aurka
EAJk "erabakitzeko eskubidearen instituzionalizazioa" aldarrikatu du
EH Bilduk elkarrizketarako borondatea ikusi duela Eusko Jaurlaritzaren aldetik
Uxue Alberdi Mexikon, Euskararen Eguna (ENE) eta Trujilloko Euskal Etxea
Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016