Herriz Herri - Ziburu (L) | 2021eko Abenduaren 02a

Ifernua hor berean

Norbaitek badaki nun den ifernua? Edo infernua gero eta gehiago erraiten den bezala? Joan den egunean jakin da ziburutar multxo bat badela ifernuan ibilia! Eta hori Euskal-Telebistari esker! Sinesten ahal dea holako gauza bat? Jendea mila dudamudetan zegoela-eta horra nun lekukotasun zonbait agertu diren kasik bat-batean, baietz eta baietz, ifernu bat badela hor berean, Ziburutik batere ateratu gabe ere. Euskal Telebistak Ziburun muntatu du alabainan, eta ziburutar talde batekin, "Herri ttipi, Infernu handi " bere emankizuna, beti arrakasta gaitza ukaiten duena. Lehen aurkezpena egina izan da joan den astean Errepira aldeko bilgunean eta jende frango bildu da karia hortarat. Ziburun gaindi, itzuli arraro bat egin da, ifernuz-ifernu nolazpait! Bazen eta izanen da segur geroxago ere zer ikus eta zer entzun! Nolako sagarno arraroa egiten den herriko pilota-plazan, arrantzale barku bati zergatik kanbiatu zioten izena, zonbat lasterraldi egin ditakeen herri zaharreko eskaleretan goiti eta beheiti, zergatik ziburutar batek kondatzen duen bizia zor diola Franco jeneralari. Emankizuna ari dute orain orraztatzen eta abenduaren 22an zabalduko da.

Email Buffer Facebook Google Twitter Pinterest LinkedIn Digg StumbleUpon Tumblr

Herriz Herri - Ziburu (L) | 2021/12/02

Bigarrena

Bigarrena

Ziburuko bigarren auzo-komitea muntatua izan da Erreka-Zahar eta Gurutze Saindu auzoaldetan bizi direnentzat. 35 lagun bildu dira. Batzuk ez zuten elgar ezagutzen ere, hor egin dituzte ezagutzak. Biltoki baten eskasa azpimarratua izan da, ikusi behar nun zer egin ditakeen. Komitearen buru jarri da Marion Leroux eta idazkari Amélie Luyat.

Irakurri segida

3619. zbk

Gure Hitza | 2021/12/02

Euskaraz mintza, euskara irakur, euskaraz idatz

Peio Jorajuria

Ostiral huntan ospatuko da euskararen nazioarteko eguna. 1949an, Eusko Ikaskuntzak zuen erabaki egun horren ospatzea, Xabierreko Frantziskoren besta egunean, hots abenduaren 3an, euskal hizkuntzaren unibertsaltasuna goratik jakinarazteko. Geroztik urte oroz errepikatzen da egun hori. Gainera, Eusko Jaurlaritzak eta Euskaltzaindiak 1995ean ofizialdu zuten egun hori, indar oraino handiagoa eman nahiz.

“Euskararen eguna hainbeste urtez ospatzen eta gure mintzaira xaharra beti erreka zolan!” Bai, hala da, emazteen egunaren pare, “emazteak martxoaren 8an goraipatuak baina urte guzian beti berdin gutietsiak”. Ez gaiten lotsa. Bakoitzak gure xokoan egin dezakegu euskararen aldeko urratsa, eta ttipia izanik ere, urrats guziak bat bertzeari juntatuz, euskara bizirik atxikiko dugu. Euskararen egunean bururatuko den “Euskararen urtaroak” oldar berezia em...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016