Herriz Herri - Atharratze-Sorholüze (Z) | 2022ko Urtarrilaren 13a

Maskarada

Maskarada

Maskaradak

Jaz barkoxtarrek aldi zen maskaradak emaiteko, izurritearengatik trabatuak izan ziren, azken emanaldia joan den larunbatean eman dute.

Bat bururatu eta, horra nun Atharratze-Alozeko maskaradak urtarrilaren 16an, Atharratzen hasiko diren. Lau hilabetez 12 herritan ibiliko dira, Gamere-Zihigan azken ikuskizuna emanen delarik.

Maskaraden egutegia herriz herri eta asteburuz asteburu emana izanen da:

- Urtarrilaren 16, igandea: Atharratze.

- Urtarrilaren 22, larunbata: Pagola.

- Urtarrilaren 29 edo 30 (data zehazteko): Lexantzü.

- Otsailaren 6, igandea: Barkoxe edo Altzürükü.

- Otsailaren 13, igandea: Barkoxe edo Altzürükü.

- Otsailaren 26, larunbata: Santa Grazi.

- Martxoaren 6, igandea: Muskildi.

- Martxoaren 12, larunbata: Idauze.

- Martxoaren 19, larunbata: Ainharbe.

- Martxoaren 26, larunbata: Aloze.

- Apirilaren 10, igandea: Iruri.

- Apirilaren 17, igandea: Gamere-Zihiga.

Urtero Allande Sokarros-ek hunen berri emaiten zaukun, maskaradako arizaleen eta prestaketen inguruko informazio mamitsua eskaintzen baitzuen. Zuberotar irakurle batek, segida hartu nahi badu, plazer handiz segiaraziko dugu.

Email Buffer Facebook Google Twitter Pinterest LinkedIn Digg StumbleUpon Tumblr

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016