Herriz Herri - Baigorri (NB) | 2022ko Urtarrilaren 13a

Baigorri - Pilota - Kontzertu

Baigorri%20-%20Pilota%20-%20Kontzertu

Urte berri on

Urte berri on zuen berriketariaren partez, baigorriar guzieri, hau aitzinekoa baino hobeki joanen dela sinetsi nahiz. Zoritxarrez, Herriko Etxeak ez du aurten ere izurritearengatik urte berriko agiantzen ospakizunik antolatzen ahalko.

Iraganaren bilduma eginez, ikusten da 13 sortze eta 33 heriotze ukan ditugula herrian. Bestalde, jaz ezkontzek arrakasta ttipia ukan dute, 2021ean ez dira 4 baizik izan.

Pilota: Zaharrer Segiren berri

Frantziako xapelketan, trinketeko esku-huskan, Zuraiden finalerdietan bi talde ginituen eta biak finaleko sailkatu dira.

2. mailan, Mathieu Ascery eta Beñat Iribarren-ek 37/20 irabazten zuten, zoin gehiagoka trenkatua zela denek uzte zuten, bainan 38tan Queheille eta Thicoipe amikuztarrek berdindu dute. Berriz berdinketa 39tan eta baigorriarren alde joan da azken kintzea, 40/39. Finalean, Goizeko Izarrako Mainhaguet eta Etxegoin-en kontra ariko dira.

1. mailan, David Barreneche eta Andoni Larre anitzez aiseago nagusitu dira, Lau Herriko Dizabo-Lafitte pareari, 40/14. Erran behar da, partida guzian Lafittek eskuko minetik sufritu duela. Hauek ere finala Heguy-Luro garaztarren aurka dute.

Bi finalak heldu den igandean iraganen dira, Arrangoitzen.

Gazteagoen mailan, Euskal Herriko xapelketako finalerdiak heldu den aste hondarrean jokatuko dira eta bi talde ukanen ditugu. Xitoetan: Peio Dutarré-Mikel Eiherart eta Pablo Inchauspe-Xalbat Baum. Gaztetxoetan, Mattin Etcheverry eta Jokin Bidegain, Denek Bat-en kontra ariko dira.

Kontzertu

Kalakan taldeak kontzertua eskainiko du, Baigorriko elizan, urtarrilaren 16an, igandez (18:00), Basaizea elkartea antolatzaile. Bixente Etxegarai, Xan Errotabehere eta Xan Mixel Berreauk osatzen dute Kalakan taldea.

Email Buffer Facebook Google Twitter Pinterest LinkedIn Digg StumbleUpon Tumblr

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016