Herriz Herri - Banka (NB) | 2022ko Urtarrilaren 13a

Dolu: Gabi Etchecolanea

A.H.

Dolu:%20Gabi%20Etchecolanea

Gabi Etchecolanea “Uhalde” joan zauku. Gizon umila, goxoa, baketsua, bainan errotik engaiatua. Iparraldeko barnealdean abertzale izatea hain gaizki ikusia zen urte haietan, berak asumitzen zuen. Betiko eskemetatik ateratzeko gaitasuna zuen, ideia desberdinak garatzeko eta gauzak (mundua!) aldatzeko borondatea.

Mendiko etxalde ttipi eta malkartsu batean laborari, laborantza biologikoan sartu ziren, Monique bere emaztearekin.

Hiru haur hazi dituzte eta, osoki euskaldunak izan zitezen, ez zuten dudatu haurrak ikastolan eskolatzeko, nahiz eta ikastola etxetik 25 km-tara izan!

Bainan, zailtasunak zailtasun, Gabiren lehentasuna zen bere ideiekin leial bizitzea. Eta horretarako kilometroak egin behar baldin baziren bilkura edo mobilizazio batera joateko, egiten zituen. Bizpahiru egun hartu behar baldin baziren, euskal irratiaren alde sos bila, edo petizio bat eskuan sinadura eske, etxez etxe ibiltzeko, jo aitzina! Eta beti irria ezpainetan, ideiak partekatzeko, jendea konbentzitzeko, lerroak mugiarazteko gogoarekin.

Ez adiorik, adiskide, eta dolumin bizienak familiako eta hurbileko guzieri

Email Buffer Facebook Google Twitter Pinterest LinkedIn Digg StumbleUpon Tumblr

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016