Herriz Herri - Bidarrai (NB) | 2022ko Urtarrilaren 13a

Bidarrai: Egoera zibilia

Iragan urteko sortzeak eta heriotzak

Sortzeak - 10 sortze ukan ditugu: Amaia Castanchoa (Kazerna), Gabriel Ximun Espil (Goiz Iguzki), Ttale Mateo (Nikolasenea), Leire Noblia-Zaldain (Lohieta), Nahia Maiwenn Capdeville (Gexanborda), Patxi Bachacou (Ezpada), Henri-Lou Houeix-Vivant (Migelenea), Raphael Gargiolo (Ramuntxonea), Alba Villeneuve-Irazabal (Barberaenea) eta Laura Etcheverria-Aguerre (Oihan-Xola).

Heriotzak – 13 lagun galdu ditugu, herrian edo herriz kanpo bizi zirenak, bainan denak hemen ehortziak izan direnak: Etienne Amestoy, Okinbeltxenea, 70 urte; Mayi Haran, Gaztantxoenea, 89 urte; Maite Castanchoa, Kazerna, 85 urte; Xan Arrossa, Marttinoenea, 82 urte; Graxi Poeydessus, Harginanea, 85 urte; François Seychal, Azur, 68 urte; Mayi Michelena, Munokoborda, 94 urte; Marcel Loustau, Eguzkian, 85 urte; Pierre Poeydessus, Harginanea, 95 urte; Pattin Bidonde, Betiriskoenea, 96 urte; Jeanne-Marie Etchechury, Buruxurinea, 90 urte; Terexa Auchoberry, Argainea, 87 urte; Marie-Jeanne Anchordoqui, Mendi-Xola, 87 urte.


Urteberri on herritar eta astekari hunen irakurle guzieri. Iragan zaigun hori arrunt gorabeheratsua suertatu zaigu. Berri hunek agian gure bihotzak gehixago berotuko ditu. Agiantza hoberenak beraz deneri.


Email Buffer Facebook Google Twitter Pinterest LinkedIn Digg StumbleUpon Tumblr

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016