Herriz Herri - Hendaia (L) | 2022ko Urtarrilaren 13a

Hendaia: Daborrada ezeztatua - O'Bistrot - Eusko

Hendaia:%20Daborrada%20ezeztatua%20-%20OBistrot%20-%20Eusko

Danborrada ezeztatua

Lehen ekitaldia 2007an iragan zen, Bixintxo besten karietara, urtez urte arrakasta handia bildu du. Kausitze hori Txema Egiguren jaz hil zenari esker izan da, gaitzeko lana eraman baitzuen. Milaka pertsona biltzen duen aurtengo ekitaldia, izurritearengatik ez da iraganen. Halere antolatzaileak gogoetatzen ari dira, martxoan zendu den Txemari omenaldi baten egiteko formatua zein-nolakoa izaiten ahal den.


“O’bistrot” deitu ekimena

Urte hastapen huntan, familiak sustengatzeko, Haizpean zahar-etxeak iniziatiba berria plantan jarri du, laguntzaileen ostatua. Horri esker, beren etxeetan mendekotasunean edo eri diren pertsonen laguntzaileek gune berezia badute, eztabaidatzeko eta prestakuntzarako. Lehen hitzordua urtarrilaren 25ean izanen da (14:30), izena eman beharko da ehpadhaizpean@hendaye.com idatziz.


Aparkalekuaren harpidetza euskoz ordaindu

Urte hastapenez geroztik, Hendaian, aparkalekuen harpidetza euskoz ordaintzen ahalko da. Herriko Etxeak zerbitzu hau martxan jarri berri du, tokiko ekonomia sustatzeko politikaren barnean. Eurotan den prozedura berdina da, Herriko Etxean egiten da, eskudirutan bakarrik. Beste zerbitzu batzuetan laster egiten ahalko da, hala nola igerilekuaren edo(ta) alokairuen ordainketetan.

Jadanik, 2018az geroz Herriko Etxea Euskal Monetaren kide da, horren bitartez eskolako kantina, bai eta eskolaz kanpoko aisialdietako ekimenak hendaiar familiek euskoz pagatzen ahal dituzte.

Email Buffer Facebook Google Twitter Pinterest LinkedIn Digg StumbleUpon Tumblr

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016