Egun eta bihar | 2022ko Urtarrilaren 13a

Noiz arte?

Beti galde bera heldu zauku gogora ikusiz izurritea nola doan aitzina hedatuz! Eraso zinez izigarria joan den astean ja azpimarratzen ginuen bezala! Bai, noiz arte beharko ote dugu gaitz hori jasan, gutartean berean hoinbeste jende badirelarik hunkiak! Gehienak arinki joak segur, bainan joak halere. Etsitzekoa ere balitake bainan ez dugu haatik etsi behar, gure etsipenarekin gauzak ez bailitazke makurrago baizik! Aspaldian entzuten dugun katixima hortarik ari behar dugu, noiznahi eta kasik nunahi maska atxikiz, eskuak usu garbituz, bizitegiak egun guziz polliki aireztatuz eta hola. Beti gauza berak ditugu errepikatzen bainan hori da guhaurren onetan. Nahiz erne-ernea ibiliz ere lanak badiren, izurritea gisa hartakoa izanki-eta. Ederki harrapatuak gaude eta nehork ezin erran ondotik zer jinen zaukun, zerua beti ilun, artetan iduri argixago eta handik berehala berriz hodeitsu! Hauxe da giro nahasia eta korapilatsua bestenaz, hoinbeste arrangura ba bazter guzietan, gutien ustean emendatzen ere direnak gainerat! Ez baita harritzeko gero eta gehiago aipatzen baitute laugarren xixtaldi bat, Pazko irian edo hola.

Email Buffer Facebook Google Twitter Pinterest LinkedIn Digg StumbleUpon Tumblr

Egun eta bihar | 2022/01/13

Ele tzarrak

Egia da gutien ustean nornahi noiznahi lerratzen dela ele tzar zonbaiten erraitera. Gisa hortako usaia txarrak hartuak baititugu. Aise egiten ahal ditugu holako lerrakoak bainan ez halere nunahi eta nornahirekin. Ikasia dugu izari baten atxikitzen. Harritzen gira beraz gaizki mintzo zaukularik Emmanuel Macron lehendakaria. Joan den egunean bezala itsuski mendekatu delarik oraino xertatzekoak direneri! Batzuk untsa hartzen dituzte naski holako solasak, hola hobeki erakusten duela bere larderia! Funtsean, sondeotan goiti ari omen da. Zernahi gisaz, berak ez du batere urrikirik holako ateraldi arrunta eta perreka funts hortan sakaturik. Aski gora errana ere du.

Beste frango, ene gisa, sesituak daude, lehendakari bat ez dela hola mintzatu behar! Bainan xo, bego hortan, ateraldi hits eta nardagarri horiek nahiago ditut ez gehiago aipatu, mintza gaiten beraz beste zerbaitetaz.

Irakurri segida

Egun eta bihar | 2022/01/13

Burrunba gaitza!

Frantziak hartu duela sei hilabeterentzat Europa Batuaren buruzagitza, bada ikaragarriko burrunba, holakorik sekulan gertatzen ez balitz bezala, urtean bi aldiz gertatzen delarik! Aitzineko aldietan, entzuten zena hoinbeste prediku eta hoinbeste espantu? Berriz ere mintzatu da alabainan Macron zernahi xede aipatuz. Oro har, arras onak iduri duten xedeak egia erran. Europa Batuaren mugak hobeki zaindu behar direla konparazione. Ingurumenaz ere behar dugula beti eta gehiago arduratu! Bai, beste orduz ja idatzi ginuen bezala, nahi du "berdeak" baino berdeago agertu!

Bainan iduri du ere Macron alde bat ari dela bere buruaren edertzera eta gisa hortan nahi duela besteak baino gehiago dela erakutsi! Beti kukuruku eta kukuruku, ez dakit nungo oilarra bezala! Sobera berez-bere jokatuz hobeki helduko ote da? Beste herrialde-buru zonbait ez ote dira azkenean kexatuko?

Irakurri segida

Egun eta bihar | 2022/01/13

Berriz haste

Zonbait astez kasik geldituak bezala izanik, Eguberri eta Urtats hor zirela, "pass" delakoaren kontrako manifestaldiak berriz hasi dira. Batzuetan euriak euri frango jendetsuak ere izan dira Parisen eta beste asko hiritan. Zonbait zalaparta ere izan da han eta hemen. Aldarrikapen asko entzunarazi dute eta azkar salatu Macronen ateraldia, bainan hor ahantzia ere dugu xuxen zertaz ari zitazkeen.

Irakurri segida

Egun eta bihar | 2022/01/13

Eta Saloina?

Eta%20Saloina?

Laborantzaren feria-erakusketa nagusia, ardura "Saloina" deitzen dena, Parisen egitekoa da otsailaren 26tik martxoaren 6ra. Azken apailueri karraskan plantatuak dira. Egiten ahalko dea denen buru? Ez da orainokoan segurtamenik bainan itxuren arabera muntatzen ahalko da, nun ez diren gauzak makurrago ondoko astetan eta gisa guziz neurri berezi asko hartuz bistan dena. Hala dio Jean-Luc Poulain feria horren elkarte-buruak. Harreman jarraikiak baditu gobernuarekin, aztertuz xeheki zer nola egiten ahalko den. Bera Oise departamenduan bizi da eta han kudeatzen du 136 hektareako laborari etxalde bat.

Irakurri segida

3628. zbk

Gure Hitza | 2022/01/13

Aldaketa ala Jarraipena?

Jean-Louis Harignordoquy

Deneri “urte berri on!” erranka ari giren urtarril hontan, batzutan jarraipenaren orde aldaketaren etorrera agiantzatzen dugu. Hala nola izurrite zikin hori betirako desagertzea. Bertze gauzetan, nola gerta. Eguneroko gora beheretan, laneko baldintzetan, harremanetan edo nik dakita zertan suerte onik ez baldin badugu ukan, zinezko aldaketa bat eskatzen diogu urte berriari. Aldiz, urte zaharra orohar aski ona izan baldin bada, jarraipena nahiago.

Halere aurtengo urte berria ez da denontzat ongi hasi. Bertsu mundua doluan da Xanti Iparragirre bertsularia pausatu delakoz 87 urtetan. Gipuzkoako lehen bertsu eskolaren sortzaileak Iparraldeko bertsulari lagunoi erakutsi zigun bertsutarako afizioa nerabeen baitan nola xertatu. Ikusten da harek erein hazia gero eta emankorrago izaiten ari dela.

Urtarrilaren 8an Baionan fermuki adierazi mezua helduko dea azkenean Eliseoko jaunaren beharrietara? Abantzu 32 urte hauetan preso ...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016