Herriz Herri - Heleta (NB) | 2022ko Agorrilaren 04a

Dolu - Bestak

Dolu – Baginakien eri zela, halere bat-batean mundu hau utzi du, Batita Sallagoity Irahanekoak 83 urtetan. Ospitalean egonik Iholdiko erretira etxeratua zen, doi doia duela 8 egun.

Aljeriako gerlan parte harturik, ondotik jo zuen Amerikara, orduko anitz gaztek bezala, han urte parrasta eginik bere sorterrira itzuli zen, hor egon da hondar denbora arte.

Batitak gizon langile baten oroitzapena uzten dauku, jarraikia bere eginbideeri, hitzaren jabekoa, Herria kasetaren harpideduna, zioen “Herriarekin aski berri bazkakiela”.

Herritar lagun eta adiskidez inguraturik ehorzketak iragan dira, jinik otoitz eta kantuetan parte hartuz sustengu ekartzera familiakoeri, zeini eskaintzen ditugu gure dolumin bihotzekoak.

Bestak agorrilaren 12tik 15era – Agorrilaren 12an (19:30) talo eta xingar mutxikoekin, ondotik plazan 2003ko kabalkadako itxuratzea. Agorrilaren 13an, ibiakoitza, meza (10:30) Bixintxon, ondotik zintzur bustitzea Kazernan, zikiroa (20:00) Gaubele taldeak alaiturik eta dantzaldia Ardantzarekin. Agorrilaren 14an, igandea: zintzur bustitzea (12:00) Madarian, muskuluak lur sagarrekin (19:30) Airoski taldearekin eta dantzaldia Ibiliz-ek animaturik. Agorrilaren 15ean, Andredena Maria, meza (11:00), ondotik zintzur bustitzea besta komiteak eskainirik, hauren jokoak (15:00), dantza ikusgarria (17:00) Burgaintzi taldearekin, pilota partida (18:00) desafioa Erregelu Joko Berrin, ondotik talo eta xingar eta besten bururatzea Otxalde taldeak eskaini kantaldiarekin.

Besta on deneri!

Email Buffer Facebook Google Twitter Pinterest LinkedIn Digg StumbleUpon Tumblr

3657. zbk

Gure Hitza | 2022/08/04

Bestaz-besta?

Janbattitt Dirassar

Bestak, pestak, festak, ez dugu denek beti hitz bera erabiltzen, bainan denak gauza beraz ari gira, denek, edo kasik denek, hoin maite ditugun besta horietaz! Bi urte eta erdiz nunbait han besta frango edo ez dira batere egin, edo arras murrixki, ezagun zen bazela hor eskas handia! Orain bestak berriz hor dira eta badute ikaragarriko arrakasta! Denek gogoan nolako mundua bildu den Iruñako San Ferminetan, gauza bera egun hauetan Baionako bestetan, beren 90 urteak guziz airoski ospatzen zituztela! Hoinbeste jende hoin harro, gehienak xuri eta gorriz jantziak! Egitaraua ere gisa hartakoa! Hor aipatzen ditugu aspaldian fama handi-handia duten bestak bainan beste anitzek ere nola ez dituzte bazterrak harrotu, izan Donibane Lohizunen, Hazparnen, Uztaritzen, Maulen, Donapaleun, Pausun eta beste anitz tokitan! Agorrileko Andredena Mariak ekarriko dituenak ere gaitzak izanen dira itxura guzien arabera, aroa batere alde izanez geroz segurik! Bai, jendea azkarki atxikia dago herriko b...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016