Herriz Herri - Hendaia (L) | 2022ko Agorrilaren 04a

Hiri besta - Hondartza plastiko hondakinik gabe

Hiri%20besta%20-%20Hondartza%20plastiko%20hondakinik%20gabe

Hiri besta

Agorrilaren 12an iraganen da. Animazio desberdinak antolatuak dira. Adinetakoen bazkaria, 67 urte baino gehiago duten hendaiarrak (12:00), Gaztelu merkatu estalian gomitatuak dira.

“Hiri Bestako” lasterketa (19:00), Gaztelutik abiatuko da, izenak egunean berean emaiten ahalko dira.

Herriko Etxetik besten abiatze ofiziala (20:00), ondotik Zarpai Banda, Baiona Banda eta Angeluko Genets taldeek karrikak animatuko dituzte. Hiri zentroan dantzaldia (22:00), Adatz taldearekin.

Aholkatua da xuri eta urdinez jantzirik etortzea.


Hondartza plastiko hondakinik gabe

Azken kontseiluko bilkuran aho batez hautetsi guziek bozkatu dute “Hondartza plastiko hondakinik gabe” izeneko xarta. “Biodibertsitate Plan Nazionalaren” baitan sartzen da, 2025erako ozeanoetara isurtzen den zero plastikoen helburua lortzeko neurria da.

Hitzarmen hau sinatuz, Herriko Etxeak bere kostaldeko estazioa zaintzeaz gain, ozeanora isurtzen diren hondakinak murrizten lagundu nahi du. Hamabost engaiamendu identifikatu dira, hiru gai nagusitan banatuak: sentsibilizazioa, bilketa-garbiketa-sailkatzea eta prebentzioa.

Hendaiako herria, frantses estatuko 1.077 kostaldeko udalerrietatik, xarta hau sinatzen duen 70.a da.

Haratago, hondakinik gabeko hiria izaitea xedea du, nahiz eta plastikozko hondakinak kutsaduraren %80a izan. “Hendaiarrek nahi bezain garbi ukanen dute hiria, baldin eta haiek ere beharrezko indarrak egiten badituzte” adierazi du Ganix Grabièresek ingurumenaz arduratzen den axuantak.

Email Buffer Facebook Google Twitter Pinterest LinkedIn Digg StumbleUpon Tumblr

3657. zbk

Gure Hitza | 2022/08/04

Bestaz-besta?

Janbattitt Dirassar

Bestak, pestak, festak, ez dugu denek beti hitz bera erabiltzen, bainan denak gauza beraz ari gira, denek, edo kasik denek, hoin maite ditugun besta horietaz! Bi urte eta erdiz nunbait han besta frango edo ez dira batere egin, edo arras murrixki, ezagun zen bazela hor eskas handia! Orain bestak berriz hor dira eta badute ikaragarriko arrakasta! Denek gogoan nolako mundua bildu den Iruñako San Ferminetan, gauza bera egun hauetan Baionako bestetan, beren 90 urteak guziz airoski ospatzen zituztela! Hoinbeste jende hoin harro, gehienak xuri eta gorriz jantziak! Egitaraua ere gisa hartakoa! Hor aipatzen ditugu aspaldian fama handi-handia duten bestak bainan beste anitzek ere nola ez dituzte bazterrak harrotu, izan Donibane Lohizunen, Hazparnen, Uztaritzen, Maulen, Donapaleun, Pausun eta beste anitz tokitan! Agorrileko Andredena Mariak ekarriko dituenak ere gaitzak izanen dira itxura guzien arabera, aroa batere alde izanez geroz segurik! Bai, jendea azkarki atxikia dago herriko b...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016