Herriz Herri - Jutsi (NB) | 2022ko Agorrilaren 04a

Urrezko ezteiak - Bi herritar neska xapeldun

Urrezko ezteiak

Berrikitan Arrospideko Jean eta Monika Othart-ek beren ezkontzaren mende erdia ospatu dute. Bi aldeetako familia ederra elgarretaratu da, egun goxo baten pasatzeko, mahai on baten inguruan; eta holakoetan estimagarri dena da ikustea beren haurren haurrek gazteria eder bat egiten, beren amatxi eta aitatxiren inguruan. Ez ote da bakotxarentzat hori helburua gure bizian? Beraz goresmenak eskaintzen dizkiegu eta memento goxo anitz pasatzea desiratzen diotegu oraino beren familiaren berotasunean.

Bi herritar neska xapeldun

Baionako Modernetrinketean jokatu den “Nazional Lehiaketaren” kondu, pilota pala gomazko finalean, Garatbordako Ekiñe Aguergaray eta Elena Trounday Arbidekoa xapeldun atera dira, Zaharrer Segikoeri nagusituz.

Email Buffer Facebook Google Twitter Pinterest LinkedIn Digg StumbleUpon Tumblr

3657. zbk

Gure Hitza | 2022/08/04

Bestaz-besta?

Janbattitt Dirassar

Bestak, pestak, festak, ez dugu denek beti hitz bera erabiltzen, bainan denak gauza beraz ari gira, denek, edo kasik denek, hoin maite ditugun besta horietaz! Bi urte eta erdiz nunbait han besta frango edo ez dira batere egin, edo arras murrixki, ezagun zen bazela hor eskas handia! Orain bestak berriz hor dira eta badute ikaragarriko arrakasta! Denek gogoan nolako mundua bildu den Iruñako San Ferminetan, gauza bera egun hauetan Baionako bestetan, beren 90 urteak guziz airoski ospatzen zituztela! Hoinbeste jende hoin harro, gehienak xuri eta gorriz jantziak! Egitaraua ere gisa hartakoa! Hor aipatzen ditugu aspaldian fama handi-handia duten bestak bainan beste anitzek ere nola ez dituzte bazterrak harrotu, izan Donibane Lohizunen, Hazparnen, Uztaritzen, Maulen, Donapaleun, Pausun eta beste anitz tokitan! Agorrileko Andredena Mariak ekarriko dituenak ere gaitzak izanen dira itxura guzien arabera, aroa batere alde izanez geroz segurik! Bai, jendea azkarki atxikia dago herriko b...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016