Herriz Herri - Kanbo (L) | 2022ko Agorrilaren 04a

Bestak

Bestak

Kanboko bestak agorrilaren 5ean hasiko dira (18:00), 10a arte iraunen dute. Ostiralean Behereko plazan zikiroa. Sukila elkarteak antolaturik, agorrilaren 6an, larunbatez, “Ziganteen eta Deba herriaren eguna”, ziganteak karriketan ibiliko dira. Pilota plazan (13:00), bazkari alaitua iraganen da, erreserbak 06-74-56-93-74 deituz, ondotik kontzertua Andoni Ollokiegirekin (18:00).

Eguna bururatuko da Behereko plazan kontzertuekin. Agorrilaren 7an, herriko koruak animaturik meza (10:30), pilota plazan esku-huskako partida (17:00), ondotik leku berean Kalakan, Itziarren Semeak eta Kaxkatuk entzuten ahalko dira (19:30). Jatekoa eta edatekoa segurtatua izanen da. Astelehenean merkaldian eguna eta esku-huskako finala (18:00). Asteazkenean pala txapelketen finalak (8:30), bazkaria eta esku-huska partida (18:15) M. Olçomendy-C. Elissalde ariko dira M. Etchemendy- B. Maitiaren kontra.


Email Buffer Facebook Google Twitter Pinterest LinkedIn Digg StumbleUpon Tumblr

3657. zbk

Gure Hitza | 2022/08/04

Bestaz-besta?

Janbattitt Dirassar

Bestak, pestak, festak, ez dugu denek beti hitz bera erabiltzen, bainan denak gauza beraz ari gira, denek, edo kasik denek, hoin maite ditugun besta horietaz! Bi urte eta erdiz nunbait han besta frango edo ez dira batere egin, edo arras murrixki, ezagun zen bazela hor eskas handia! Orain bestak berriz hor dira eta badute ikaragarriko arrakasta! Denek gogoan nolako mundua bildu den Iruñako San Ferminetan, gauza bera egun hauetan Baionako bestetan, beren 90 urteak guziz airoski ospatzen zituztela! Hoinbeste jende hoin harro, gehienak xuri eta gorriz jantziak! Egitaraua ere gisa hartakoa! Hor aipatzen ditugu aspaldian fama handi-handia duten bestak bainan beste anitzek ere nola ez dituzte bazterrak harrotu, izan Donibane Lohizunen, Hazparnen, Uztaritzen, Maulen, Donapaleun, Pausun eta beste anitz tokitan! Agorrileko Andredena Mariak ekarriko dituenak ere gaitzak izanen dira itxura guzien arabera, aroa batere alde izanez geroz segurik! Bai, jendea azkarki atxikia dago herriko b...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016