Herriz Herri - Aldude (NB) | 2022ko Irailaren 22a

Kintoan barna - Ezkontza - Kermeza

Kintoan%20barna%20-%20Ezkontza%20-%20Kermeza

Kintoan barna

Joan den astean Kintoan Barna mugaz gaindiko proiektuak estreinatuak izan dira. Eguna, Baigorrin Mehaka zentroaren bisitarekin abiatu da, ondotik Bankan meategiko bidexkan barna ibiliz, Alduden Erreka Gorri aterpetxea ikusi eta, Urepelen Amerikanoinean pasatuz, proiektu horien emaitzak orok deskubritu dituzte. Hortik landa, Eugin, Fabrica de Arma deitu gunean estreina ofiziala egin da.Iruñako koru batek Agur Jauna kantuarekin harrera ezin hobea eskaini ondoan, proiektua lagundu eta sustengatu duten kargudun ofizialek hitza hartu dute, batzu bestek ekarri duten laguntza goraipatuz. Proiektu huntan egin diren obrek, %80ko diru-laguntza eskuratu dute. Mintzaldien ondotik, mahai hornitu on baten inguruan, lasaiki solasean segitzeko eta elgar ezagutzeko aukera ukan dute. Eguna Zubiriko aterpetxea eta Ezteribarren Zubiriko zubiaren bisitarekin bururatu da. Gertakari arraroa, ohitura iraunkor bat bilakatzea merezi lukeena.

Ezkontza

Joan den ebiakoitzean, Iputxaineko Dominique Campistron-ek biziko lagun hartu du Martta Hirigaray baigorriarra. Bikote hau Baigorrin bizi da. Goresmenak Dominique eta Martta!

Kermeza

Igandean kermeza da. Eguna mezarekin hasiko da, klikak eta eskolako haurren parte hartzearekin.Eguerdiko bazkariarentzat izenak lehenbailehen eman behar dira,Elodie Laxague deituz zenbaki huntarat06-42-82-52-04 edo Aurélie Baudour06-71-50-88-78. 20€tan bazkaria etxera eremaitea posible izanen da, baita ere untzietan basurde saltsa erostea 20€/kg. Egunean zehar, film desberdinen ikusteko parada izanen da, hala nola lehengo bestak, bai eta ere duela 25 urteko feriak.Oroitzapen eta emozioz beteak diren memento batzuk. Pilota partidak ere izanen dira. Ongi etorri deneri!

Email Buffer Facebook Google Twitter Pinterest LinkedIn Digg StumbleUpon Tumblr

3661. zbk

Gure Hitza | 2022/09/22

Ondarea gogoan

Janbattitt Dirassar

Iragan dira beraz Ondarearen Egunak. Oro har, ukan dute arrakasta ederra. Zernahi hitzordu eskuin eta ezker. Mota guzietarik. Egia da ondareak biziki eremu zabalak hartzen dituela eta anitz gisetara. Ondare hitza bera kasik arrotza ginuen haatik ez oraino hain aspaldi. Gaurregun noiznahi sartzen dugu gure solasetan.

Joan den egunean norbaitek hauxe erraiten zaukun, gai hori gogoan, egun guziak ontsalaz ondarearenak behar gintuzkeela, ez bakarrik urtean asteburu bat. Hori ere egia handia izan behar da.

Behin, euskaltzale argi batek gauza bera erraiten zuen euskararentzat. Ez dela euskararen egunik izaiten ahal, egun guziak hala direla eta gisa hartarat behar dugula beraz bermatu eta ernatu.

Behin, gertatu nintzan Estrasburgo hirian eta segitzaile batzuekin bisitatu ginuen hango katedrala, munduko ederrenetarik izan behar dena. Obran ari ziren karraskan. Norbaitek galdetu zuen noiz arte iraun beharra zuten o...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016