Herriz Herri - Baigorri (NB) | 2022ko Irailaren 22a

Heriotze - Ezkontza - Herriko egiturak

Heriotze%20-%20Ezkontza%20-%20Herriko%20egiturak

Heriotze

Leizpartze Behereko-Etxeko Patrick Urrutia pausatu da, aitzineko astean, 67 urtetan, eritasunak eremanik. Laboraria ofizioz, bere sort etxaldean eman du azken hatsa. Doluminak Daniel eta Nicole anai-arreberi eta familia guziari.

Ezkontza

Baigorriko Martta Hirigarai eta Aldudeko Dominique Campistron andereak gure Herriko Etxean esposatu dira, joan den ibiakoitzean. Ezkontzaren zeremonia biziki hunkigarria izan da eta ondotik plazan Larrain dantza eman da, heien izaitearen eta borrokaren sinbolo den bandera koloretsua frontoiaren gainekaldean handizki hedatua zela. Besta giro loriagarrian segitu da Gamiako lepoko ostatuan.

Huna lagunek bi esposen ohoretan prestatua zuten kantuaren hitz zonbait:

Esku batean batek margoa, besteak aldiz palantxa

Bakotxak bigarren eskua besteari atxikia

Aitzina Domi, aitzina Martta

Ta kanta gurekin gora

Zer inporta ezkongaien jauntzia

Maitasuna biluzia da.

Aitzina Domi, aitzina Martta

Ta kanta gurekin gora

Maitasuna ta maite denarekin

Ezkontzeko dretxoa.

Baigorrin egun historikoa

Dugu gaur ospatzekoa

Bi emazteren ezkontza

Ohore Domi ta Martta.

Herriko egiturak

Herriko Etxearen aldizkaria gehienek eskuratua dukezue. Besteak beste, bi xederen berri emaiten dauku: igerilekua eta eskubaloia sala.

Euskal Elkargoak joan den maiatzean bozkatu zuen bere “igerileku plana”, haur guziek igeri egiten jakiteko xedearekin. Baigorrikoa ere hortan sartu zuen eta 2 milioi euro inguru erabiliko ditu hemendik 2030era, berritzeko eta normetan ezartzeko!

Eskubaloi salari buruz, aitzin ikerketak eginak dira eta arkitektoen lehiaketaren lehen fasea hasi da, ekainean. Lanak 2024an hasiko dira, 2025eko udan idekitzeko ideiarekin.

Katixima

Parropiako haurrek katiximako sartzea egiten ari dute. CE2, CM1 eta CM2koak buruilaren 21ean hasi dira eta CE1ekoek buruilaren 28an dute lehen hitzordua. Ongi etorri Véronique Gillet, bosgarren katixima egile berriari. Bestalde, katixima egileek nahi lukete gaztetxo talde berri bat abiatu. Lehen komunioaren ondotik utzirik, konfirmazionea prestatzeko berriz hasi nahi luketeenak baditaizke. Orain kolegioan izanez, ez dira gehiago asteazken goizeko katixima klaseari lotzen ahal. Arduradunek nahi lukete talde berria abiatu, eguna eta tenoreak gaztetxo horieri egokituz. Zuen inguruan aipa eta xehetasunak ukaiteko edo izen emaiteko, deitu Jaun Erretora 06-09-39-05-52 zenbakira.

Email Buffer Facebook Google Twitter Pinterest LinkedIn Digg StumbleUpon Tumblr

3661. zbk

Gure Hitza | 2022/09/22

Ondarea gogoan

Janbattitt Dirassar

Iragan dira beraz Ondarearen Egunak. Oro har, ukan dute arrakasta ederra. Zernahi hitzordu eskuin eta ezker. Mota guzietarik. Egia da ondareak biziki eremu zabalak hartzen dituela eta anitz gisetara. Ondare hitza bera kasik arrotza ginuen haatik ez oraino hain aspaldi. Gaurregun noiznahi sartzen dugu gure solasetan.

Joan den egunean norbaitek hauxe erraiten zaukun, gai hori gogoan, egun guziak ontsalaz ondarearenak behar gintuzkeela, ez bakarrik urtean asteburu bat. Hori ere egia handia izan behar da.

Behin, euskaltzale argi batek gauza bera erraiten zuen euskararentzat. Ez dela euskararen egunik izaiten ahal, egun guziak hala direla eta gisa hartarat behar dugula beraz bermatu eta ernatu.

Behin, gertatu nintzan Estrasburgo hirian eta segitzaile batzuekin bisitatu ginuen hango katedrala, munduko ederrenetarik izan behar dena. Obran ari ziren karraskan. Norbaitek galdetu zuen noiz arte iraun beharra zuten o...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016