Herriz Herri - Larzabale-Arroze-Zibitze (NB) | 2022ko Irailaren 22a

Oztibarreko ikastolak 30 urte

Besta jendetsua eta ederra

Ezin hobeki joan da iragan larunbatean, Larzabalen, Oztibarreko ikastolaren 30 urteen besta eguna. Egoitza askotan egonik, 2007adanik Larzabalen dago berea duen egoitzan hainbat tokitako aldaeren nekea gainditurik.

Aurtengoan 42 haurrekin, 3 irakaslerekin eta 2 langilerekin baldintza onetan derama ikas-erakaskuntza eginkizuna.

Besta ederrak elkartu du jendea 30. horrentzat giro hoberenean ez baitzen desen eskasik: pilota, mintzaldi, haurren emanaldi, janari eta edari goxoak, musika, bertsu, kantu, dantza eta kontzertu.

Gure ikastolak eta besteenek ere, bizkor segi eta iraun dezatela, geroan ere euskarak izanaraz gaitzan euskaldun.

Email Buffer Facebook Google Twitter Pinterest LinkedIn Digg StumbleUpon Tumblr

3661. zbk

Gure Hitza | 2022/09/22

Ondarea gogoan

Janbattitt Dirassar

Iragan dira beraz Ondarearen Egunak. Oro har, ukan dute arrakasta ederra. Zernahi hitzordu eskuin eta ezker. Mota guzietarik. Egia da ondareak biziki eremu zabalak hartzen dituela eta anitz gisetara. Ondare hitza bera kasik arrotza ginuen haatik ez oraino hain aspaldi. Gaurregun noiznahi sartzen dugu gure solasetan.

Joan den egunean norbaitek hauxe erraiten zaukun, gai hori gogoan, egun guziak ontsalaz ondarearenak behar gintuzkeela, ez bakarrik urtean asteburu bat. Hori ere egia handia izan behar da.

Behin, euskaltzale argi batek gauza bera erraiten zuen euskararentzat. Ez dela euskararen egunik izaiten ahal, egun guziak hala direla eta gisa hartarat behar dugula beraz bermatu eta ernatu.

Behin, gertatu nintzan Estrasburgo hirian eta segitzaile batzuekin bisitatu ginuen hango katedrala, munduko ederrenetarik izan behar dena. Obran ari ziren karraskan. Norbaitek galdetu zuen noiz arte iraun beharra zuten o...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016