Herriz Herri - Ziburu (L) | 2022ko Irailaren 22a

Sasoin berria

Sasoin%20berria

Ziburun, kultura gogoan, sasoin berri bati plantatu dira Zokoko gotor-leku ezagutuaren itzalean egin den bilkura batean. Eneko Aldana-Douat auzapezak bere aldean zituela Emilie Dutoya eta Fanny Lascube kulturaz azkarki arduratzen diren hautetsiak. Sail berriaren konduko lehen ekitaldia heldu den larunbatean Zokoa auzoaldean. Hip-hop gisako dantzari talde bat, Anthony Egea kudeatzaile, Katalunia aldeko joko berezi zonbait eta landestar gazte batzuen balentriak. Hilabetez hilabetehitzordu asko eta asko, dela hiri barnean, bai eta Zokoan eta beste auzoaldetan. Euskarari beti toki ederra eginez, gisa den bezala.

Saila abiatu da Ondarearen Egunak zirelarik, arrakastatsu izan direnak, hitzaldi eta beste. Gogoan besteak beste, erakusketa balios bati esker, Elkano gipuzkoar itsasturi famatua, duela bost ehun urteitsas-untziz munduaren itzulia lehen aldikoz egin zutenen buru zena. Anitz izan dira ere komentu xaharrean, deneri so eta so, ikusteko obrak zertan diren, munta handikoak direnak geroari buruz. Pilota plazan, laxoan ere arizan dira eta jendeari gustatu zaio hori, nahiz frangok joko hori bera ez hain untsa ezagutzen.

Ingurumena gogoan bazen ere ondarkin bilketa bat, Itsas-Argia elkartearekin, ondarearen onetan bazterren garbi atxikitzea premiatsu baita.

Email Buffer Facebook Google Twitter Pinterest LinkedIn Digg StumbleUpon Tumblr

3661. zbk

Gure Hitza | 2022/09/22

Ondarea gogoan

Janbattitt Dirassar

Iragan dira beraz Ondarearen Egunak. Oro har, ukan dute arrakasta ederra. Zernahi hitzordu eskuin eta ezker. Mota guzietarik. Egia da ondareak biziki eremu zabalak hartzen dituela eta anitz gisetara. Ondare hitza bera kasik arrotza ginuen haatik ez oraino hain aspaldi. Gaurregun noiznahi sartzen dugu gure solasetan.

Joan den egunean norbaitek hauxe erraiten zaukun, gai hori gogoan, egun guziak ontsalaz ondarearenak behar gintuzkeela, ez bakarrik urtean asteburu bat. Hori ere egia handia izan behar da.

Behin, euskaltzale argi batek gauza bera erraiten zuen euskararentzat. Ez dela euskararen egunik izaiten ahal, egun guziak hala direla eta gisa hartarat behar dugula beraz bermatu eta ernatu.

Behin, gertatu nintzan Estrasburgo hirian eta segitzaile batzuekin bisitatu ginuen hango katedrala, munduko ederrenetarik izan behar dena. Obran ari ziren karraskan. Norbaitek galdetu zuen noiz arte iraun beharra zuten o...

Irakurri segida


Gurekin harremanetan sar




segurtasun kodea

Herria Euskal Astekaria - Jacques Laffitte, 11 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016