Herriz Herri - Ortzaize (NB) | 2022ko Azaroaren 24a
Euskaraldia
Abenduaren 2a arte iragaiten da Euskaraldia, eguneroko erabilpenaren azkartzeko. Ekitaldi horren karietara ortzaiztarrek eta bidarraitarrek elgarrekin bi hitzordu antolatzen dituzte. Lehena iraganen da ostiralean, azaroaren 25ean (19:00), Menta liburu dendan. Lehenik, Josu Martinezen “Anti” filma erakutsiko da eta ondotik Eneko Bidegainek hitzaldia eginen du: “Euskara gaur Ipar Euskal Herrian”. Menta ttipiegi suertatzen bada, gaualdia Denen Etxean eginen da. Tokian berean aurkituko da jateko eta edateko. Bigarren ekitaldia izanen da Bidarrain, ondoko ostiralean, abenduaren 2an (19:00), Barberanea ostatuan, pintxo poteo batekin kantuz airostua.
