Han eta Hemen | 2022ko Abenduaren 08a

Jakes Abeberry Euskal Herriko figura

Jakes%20Abeberry%20Euskal%20Herriko%20figura

Joan den astean jakin da Jakes Abeberry 1930ean Biarritzen sortua hil dela. Bost haurrideko laugarren semea zen, lanbidez bankuko kuadroa.

Politika munduan ezaguna, Ipar Euskal Herriko abertzale mugimenduetan aktibo izan da, 1963an Enbata alderdiaren sortzaileetatik bat. Bere iragan guzia abertzale militante bezala eraman du, 1986an Euskal Batasuna alderdi politikoaren sorreran parte hartu zuen, 1988an Abertzaleen Batasuna osatu zenean, militante aktibo izan zen.

Bide beretik Biarritzeko Herriko Etxean luzaz hautetsi egon zen, 1983an lehen aldiz kontseilari gisa kargua hartu zuen, 1991n Borrotraren zerrendarekin, “Biarritze Bestelakoa” taldeakaliantza egin ondoan, 2. axuant postua hartu zuen. Didier Borotrarekin euskara sustatzeko proposamen zehatzak negoziatu zituen: ikastola, haurtzaindegi euskalduna, AEKren zentroaren garapena, mediatekan euskara saila sartzea, euskarazko ikusgarriak antolatzea eta herriko langileen formakuntza elebiduna. Euskal Herriko Hautetsien Kontseiluko kide anitz urtez egon da. Euskal Departamenduaren eta ondotik Lurralde Kolektibitate eskaerako militante sutsua izan da. Parisetik heldu ziren gobernuko ordezkarien aitzinean beldurrik gabe hemengo aldarrikapenen boz eramaile bilakatzen zen.

Jakes Abeberryren pasioa dantza zen, Oldarra balletean gazterik sartu zen. Axuant kargua zuelarik 1991n “Maitaldia” dantza festibalaren bultzatzailea izan zen, Malandain Ballet Biarritz zentro koreografiko nazionala ezartzeko bidea ideki zuena.

Jakes Abeberry 1960an Enbata kazetaren sortzailea izan da, gaur arte argitalpen arduraduna zen.

Euskal Herriko figura bat itzali da, berekin militatu dutenek, baina ere parean ukan dituen arduradun politikoek egin duen lana eta ibilbidea goretsi dute. 2012an Ramuntxo Garbisuk “Sur les pas de Jakes” egin dokumentala pertsonalitate hunen lekuko egonen da.

Email Buffer Facebook Google Twitter Pinterest LinkedIn Digg StumbleUpon Tumblr

Han eta Hemen | 2022/12/08

Sozial ekintza: lanbideen eguna

Sozial%20ekintza:%20lanbideen%20eguna

Etcharryko formazio zentroak, abenduaren 6an, Angeluko Ozeano Espazioan, sozial sailean diren formazio desberdinak eta ondorioz lanpostuak presentatzeko eguna antolatu du.

Etcharry formazio zentroa 1963an sortua, garapen sozialeko, prestakuntza profesionaleko eta goi mailako hezkuntzarako erakundea da. Osasun saileko eta mediku-sozialeko sektoreko enpresaburuek dute kudeatzen, hego Akitanian 2.000 lanpostu baino gehiago ordezkatzen dituena.

Lanbide sozial eta mediku-sozialetarako formakuntzan oinarritzen da, urtero 800 ikasle baino gehiago formatzen ditu, 170 profesional-formatzaileren eskutik. Akitania Berria eta Okzitania lurraldeetan partaide diren 600 osasun-zentro eta zerbitzu mediko-sozialetik gorako sarea du.

Eragile sozialek eta mediku-sozialek beren aholkuak emaiten dituzte, formazioa segitzen duteneri laguntza ekarriz beren garapen eta aldaketa proiektuentzat. Bestalde sozial alorrean berrikuntzak ekartzeko, esperimentazioak eta ikerketak egiten ditu.

Irakurri segida

Han eta Hemen | 2022/12/08

Bake artisauak auzitaratuak

Bake%20artisauak%20auzitaratuak

Jon Parot eta Jakes Esnal aspaldiko urteetan preso zirela eta, anitz mobilizazio iragan dira. Bake artisauek premiazko egoera baten aitzinean izanez, erabaki zuten blokatze eguna antolatzea, preso horien egoera kritikoak hala eskatzen zuelako, eskubideen aplikazioak prokuradorearen jarrerari gaina hartu behar ziolako.

Uztailaren 23an Ipar Euskal Herriko hamar bat tokitan, ehunka herritarrek bideak blokatu zituzten. Parte hartu zuten 1.700 pertsonetatik bakoitzak bazekien eta asumitzen zuen hartu beharreko arriskua.

Egun horretan pertsona batzuk 135 euroko isuna ordaindu behar ukan zuten, debekatua zen manifestaldi batean parte hartzeagatik. Bestalde blokatzeetan 26 pertsona arrastatuak izan ziren. Horietan aireportuan 6 herritarrek, bakoitzak 350 euroko isuna ordaindu behar du, beste 20 pertsona auzitegi aitzinean pasatuko dira. Auziak abenduaren 15ean Akizen eta otsailaren 2an Baionan iraganen dira.

Abenduaren 15ean, Akizeko epaitegi aitzinean 11 bake artisauek e...

Irakurri segida

3673. zbk

Gure Hitza | 2022/12/08

BERTSU GIROAN

Jean-Louis Harignordoquy

Beti izan dira bertsuari graziarik hartzen ez dioten euskaldun zonbait, ez zaiotelako ulergarri iduritzen. Hortarako, bere denboran, Piarres Lafittek izkiriatu zituen bertsugintzaren arauak. Aise berantago, zendu berri den Jean-Pierre Mendiburu heletar bertsulariak liburu batean gauzarik beharrenak esplikatu zizkigun. Gipuzkoan Xanti Iparragirrek abiatua zuen ildotik, geroago Ernest Alkhat eta Aitor Sarasua goizegi zenduen ikasle ohiak dira gaur ezagunak diren Iparraldeko bertsulari eta bertsuzale frango. Oroit gaiten bertsulari onak ziren lehen erakasle haiek erein hazitik datorrela oraingo emaitza.

Nahiz bertsularitza ez den xapelgoetara mugatzen, nola ez aipa Iruñean beharra den gertakari historikoa. Nafarroa Arenan jokatuko den Euskal Herriko Bertsulari Txapelketaren azken haitadan milaka bertsuzale bilduko dira. Euskal irratiek eta telebistak zuzenean hedatuko dituzte goizeko eta arratsaldeko saioak. ...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016