Hogoi urte pasa Leizarraga elkarteak memento xoragarri hori antolatzen duela, Eguberri garaiaz. Urteko kantari eta musikari ospetsuak ekarrarazten ditu, urtero.

Aurten abenduaren 17an Bixintxo Kultur gunean (20:30) dugu gonbita. Leizarragako 40 kideek kantuz ongi etorria eskainiko daukute, ondotik bi talde entzuten ahalko ditugu.

Amikuze eskualdeko Gaitamik (gaita eta Amikuzerekin hitz jokoa!)kobreak, perkusioak, eskusoinu eta gaitak dira talde hunek erabiltzen dituen tresnak, besta giroa beraz segurtatua.

Bigarren taldea Xiberotarrak, Iparralde huntan oso ezaguna dugun taldea. Zortzi kantari musikari horien azken bi diskoen aurkezpena eta bertze asko kanturen entzuteko eta gozatzeko parada ukanen dugula erran gabe doa.

Bururatzeko Leizarragako kideek artistak eta publikoa elkar juntaraziko dituzte azken kantu baten botatzeko.

Aldi oroz oroitarazten dugu, kultur gune hori antzoki bat dela, beraz ongi jarririk eta akustika ezin hobea izanez, ez duda, etorri ez zaizue damutuko.

Pausuen denboran ostatu eta goxoki, sartzea 10€tan, 7 urtetik goiti.

Beskoitzen euskal kulturak merezitu behar duen lekua gure gain dago!

Ongietorri deneri.