Herriko Etxea eta CIDFF arteko kontratua

Emazteen eta familien eskubideak zaintzeko, Herriko Etxeak hitzarmena sinatu du CIDFF 64 zentroarekin. Herriko Etxeak emazteeri egin indarkerien kontrako borrokan engaiatu nahi ukan du. Segurtasunerako eta Gaizkintzaren Prebentziorako Tokiko Batzordearekin batean (CLSPD) etxeetako indarkerien kontra borrokatzeko gune bat ideki du. Haurra, indarkeria horien ikusle izanik, sistematikoki biktima bihurtzen da, horretarako familiako indarkerien kontra lan egin nahi du. Izenpetu duen hitzarmen horretan indarkeria sexista, sexuzko eta senitartekoen kontrako borrokarako mobilizatzeaz gain, prebentzioaren alorrean ari diren profesionalen sare baten koordinazioa adostua izan da. Denentzat sozial zentroan, informazio juridikoa emaiteko, hilabeteko bigarren ostiral orotan (14:00-16:30) idekia izanen da.

Konferentzia

Euskal Itsasbazterrak antolaturik abenduaren 10ean (10:30), Asporotsttipin, Jacques Ospital Donibane Lohitzuneko idazlearekin konferentzia proposatua da. “La ville engloutie” idatzi liburuaz da mintzatuko: XVII eta XVIII. mendeetan Donibane Lohizuneko hiri erdia olatuen azpian gelditu zen, hondartzari eta itsasoari bide emanez. Historiaz gain autoreak itsasoaren etorkizunari buruz galderak pausatzen ditu.