Heriotze: Martta Etchart Bastidarra

Martta Etchart Bastidarra zendu zen joan den astean, 93 urte egin beharrak zituen aurten. Anitzekezagutzen zuten Clement Etchart Bastidako ahotz zenaren emaztea zen. Biak sortzez aihertarrak izanki, bikote hau biziki atxikia zen Aiherrari. Funtsean Clement Aiherrara heldu zen lehen pilotan eta musean artzera. Martta berrikitan Izturitzeko xahar-etxera erretiratua zen.

Hunen ehorzketak joan den asteartean Bastidako elizan iragan dira, ondotik gorputza familiak Aiherrako hilerrietan duen hilobira ereman dute. Gure doluminak Jean-Laurent, Bernadette eta Angèle seme-alaberi, arrahaurreri eta familiako guziari.

Sortze

Antxartean bizi den Jessica Dufour eta Thomas Hemery bikoteak ongietorria egin dio Julen semeari. Urtarrilaren 3an sortua da. Goresmenak aitama gazteeri eta agiantza zoriontsuenak sortu berriari.

Xalbat Duhalde eta Allande Martinon txapeldun!

Ez dira guti kontent Abarratia pilota batasuneko pilotari eta trebatzaileak. Artekoetan, Xalbat Duhalde eta Allande Martinon gazteek Frantziako txapelketaren finala joan den igande goizean ereman zuten, Arrangoitzeko trinketean, Denek Bateko Raphael Lagourgue eta Patxi Lelandais 40/25 garaiturik. Euskal Herriko pilota txapelketa joan den abenduan, hauen beren kontra, 40/34 Irisarriko trinketean galdu ondoan, aldi huntan errebantxa manera ederrean hartu dute. Biba Xalbat eta Allande eta Biba Abarratia pilota batasuna!

Berri onekin segitzeko, Theo Etcheverry eta Imanol Goyenetchek kimuen sailean, Euskal Herriko txapelketaren kondu finalerdietan Goizeko Izarrako pilotariak garaitu zituzten, Lekorneko trinketean, joan den ibiakoitz arratsaldean. Orain finalean dira. Goresmenak!

Bertsu afari goxoa

Beltzuntze elkarteak joan den ibiakoitz arratsean antolatua zuen bertsu afaria giro goxoan iragan zen. Aitor Sarriegi eta Sustrai Colina forman ziren, batzuetan nekeziak izan baldin badituzte ere Ramuntxo Christy gai emaileak asmatu hitz berri batzuen ulertzeko. Beltzuntze elkarteak prestatu afaria hauta zen. Bazuen aspaldi ez zuela gisa huntako animaziorik proposatu (azkena emazteen eguna kari izan zen Maialen Lujanbio, Estitxu Arozena, Miren Artetxerekin...). Pentsatzekoa da joan den ibiakoitzekoak segida bat ukanen duela.