Herriz Herri - Donibane Garazi (NB) | 2023ko Urtarrilaren 19a

Fuga dantza ikusgarria

Fuga%20dantza%20ikusgarria

Vauban gelan, urtarrilaren 27an (20:30), Fuga! Elirale konpainiaren azken sorkuntza koreografikoa emana izanen da. Pantxika Telleria koreografoak zuzendu dantza ikusgarria da, 3 dantzari eta musikari batek eman obra. Taula-gainean Mutxikoen araudien bidez, dantzariek gorputzaren korapiloa eta menpekotasuna erakusten dute, ustekabeko loturak sortuz. Ikusi behar den ikusgarria, eszenografia, argiak eta jantziak irudimen hunkigarrien oihartzun dira.

Dantzariak: Cyril Geeroms, Oihan Indart eta Yutaka Takei dira, Romain Baudoin musikaria lagun dutela. Aitzinetik lekua atxiki nahi duenak kultura.maplace.fr/evenement/2990/fuga bidez egin lezake.


Email Buffer Facebook Google Twitter Pinterest LinkedIn Digg StumbleUpon Tumblr

3678. zbk

Gure Hitza | 2023/01/19

Kabalkada

Janbattitt Dirassar

Xuberoko kabalkada biziki famatua da eta aspaldian. Ihauteria gogoan, ez da ahantzi behar alabainan ihauteriari errotik lotua dela. Bazterrak azkarki harrotzen ditu nunbait han lau hilabetez segidan. Urtarriletik apirilera. Herriz-herri badabila, orotara berrogoi bat jokolari erne eta kementsu, dantzari, kantari eta musikari. Loriagarri denentzat. Ohidura ezinago ederra eta baliosa.Hor dira beltzak eta gorriak, xintxoak eta zirtzilak, Denak berotuak zoin-gehiagoka. Ikusten dira aitzindariak, ikusten ere txerrero, gatuzain, zamaltzain, kantiniertsa, laborari, kautera eta gaineratikoak! Ahantzi gabe Jauna eta Anderea beren jauntzi ederrekin. Denen bixtan, eta nola ez, ardura dena trufa eta eskernio, horra buhameak eta heiekin Pitxu pailaso harrigarria!

Goizean barrikadak, kasu ez sobera hurbil, arratsaldean ikusgarria, zernahi istorio kondatuz, zonbait izaiten ahal oraino ez behinere salatuak, holakoetan baita jendea biziki aise mintzo, nehoren ez deusen...

Irakurri segida


Gurekin harremanetan sar




segurtasun kodea

Herria Euskal Astekaria - Imprimerie du Labourd - Cazenave bidea, 29 - 64100 BAIONA | tel: 05 59 25 62 85 | Legezko oharrak | Diseinua eta programazioa: iF Diseinuak - 2016